Actress Samantha: தமிழ் சினிமாவில் மாஸ்கோவின் காவேரி திரைப்படம் மூலமாக அறிமுகமானவர் நடிகை சமந்தா. சினிமாவில் அறிமுகமான சமயத்தில் சமந்தாவிற்கு தமிழில் பெரிதாக வாய்ப்புகள் கிடைக்கவில்லை. அதற்கு பிறகு அவர் நடித்த பானா காத்தாடி திரைப்படம் கூட பெரிதாக வரவேற்பை பெறவில்லை.
அதற்கு பிறகு சமந்தா தமிழில் வரவேற்பை பெற முக்கிய காரணமாக அமைந்த திரைப்படம் நான் ஈ. தமிழ்நாட்டில் இந்த திரைப்படம் சமந்தாவிற்கு அதிக வாய்ப்புகளை பெற்று தந்தது. அதன் பிறகு தமிழ் சினிமாவில் ஏராளமான திரைப்படங்களில் நடித்தார் சமந்தா.
இந்த நிலையில் சில காலங்களாக மயோசிடிஸ் என்னும் அரிய வகை நோயால் உடல்நிலை பிரச்சனைகளை சந்தித்து வருகிறார் சமந்தா. இதனால் சில காலங்களாக தமிழில் அவருக்கு வந்த வாய்ப்புகளை எல்லாம் நிராகரித்தார். லியோ திரைப்படத்தில் கூட சமந்தாதான் கதாநாயகியாக நடிக்க இருந்தது.
இந்நிலையில் மீண்டும் சினிமாவில் நடிப்பதற்கு முயற்சி செய்து வருகிறார் சமந்தா. பேமிலி மேன் சீரிஸின் இயக்குனர் சிட்டாடல் என்கிற சீரிஸை இயக்கி வருகிறார். இதில் முக்கிய கதாபாத்திரத்தில் சமந்தா நடிக்கிறார். இதில் அவருக்கு ஒரு சண்டை காட்சியும் இருந்ததாம். உடல்நிலை முடியாத நிலையிலும் இதற்காக சிரமப்பட்டு உடற்பயிற்சி எடுத்து நடித்து கொடுத்துள்ளார் சமந்தா.
ஆனால் அந்த படப்பிடிப்பு முடிந்த உடனே சமந்தா மயங்கி விழுந்துவிட்டாராம். இதனையடுத்து மீண்டும் உடல்நிலை மோசமாகி மருத்துவமனையில் அனுமதிக்கப்பட்டுள்ளாராம் சமந்தா..
