Lal salaam: தொடர்ந்து வெற்றி படங்களாக கொடுத்து வந்த ரஜினிக்கு தற்சமயம் மீண்டும் ஒரு தோல்வி படமாக லால் சலாம் திரைப்படம் அமைந்திருக்கிறது. இதற்கு முன்பு அவர் நடித்த திரைப்படங்களில் தர்பார் திரைப்படம் பெரிதாக வசூலாகாமல் இருந்தது என்றாலும் கூட அந்த திரைப்படம் தோல்வி படமாக அமையவில்லை.
வழக்கமாக ரஜினி படம் கொடுக்கும் அளவிற்கான வசூலை கொடுக்கவில்லை அவ்வளவுதான். ஆனால் லால் சலாம் திரைப்படத்தைப் பொறுத்தவரை இந்த திரைப்படம் தோல்வியை கண்டுள்ளது. லைக்கா நிறுவனத்திற்கு மிகப்பெரிய நஷ்டத்தை ஏற்படுத்தி இருக்கிறது லால் சலாம் திரைப்படம்.
இந்த நிலையில் இந்த திரைப்படத்தின் தோல்வி குறித்து படத்தின் இயக்குனரான ஐஸ்வர்யா ரஜினிகாந்த் கூறிய தகவல் என்று ஒரு விஷயத்தை வலைப்பேச்சு யூடியூப் தளத்தில் பகிர்ந்து இருந்தனர். அதில் கூறும்பொழுது லைக்கா நிறுவனம் சரியாக விளம்பரப்படுத்தாததே லால் சலாம் திரைப்படத்தின் தோல்விக்கு காரணம் என்று குற்றச்சாட்டு வைக்கிறாராம் ஐஸ்வர்யா ரஜினிகாந்த்.
உண்மையில் அந்த திரைப்படம் ரஜினி திரைப்படம் என்று மக்கள் மத்தியில் அறியப்படவில்லை. மிக தாமதமாகதான் ரஜினி சிறப்பு தோற்றத்தில் நடிப்பதற்கு வந்தார் ஆனால் பிறகு அவருக்கு முக்கியமான கதாபாத்திரம் கொடுக்கப்பட்டது.
இதுதான் படத்தின் தோல்விக்கு காரணம் என்றும் சிலர் கூறுகின்றனர் ஆனால் எப்படி இருந்தாலும் படத்தின் திரைக்கதையில் இருந்த தொய்வும் படத்தின் தோல்விக்கு காரணமாக இருந்திருக்கிறது. இந்த நிலையில் விளம்பரப்படுத்தாதது தான் காரணம் என்று ஐஸ்வர்யா ரஜினிகாந்த் கூறுவது சரி கிடையாது என்கின்றனர் நெட்டிசன்கள்.
ஏனெனில் லவ் டுடே குட் நைட் மாதிரியான சின்ன சின்ன திரைப்படங்கள் எல்லாம் லால் சலாம் திரைப்படம் அளவிற்கு கூட விளம்பரம் படுத்தப்படாத திரைப்படங்களாகும். ஆனால் அவையெல்லாம் பெரும் வெற்றியை கொடுத்திருக்கின்றன. இப்படி இருக்கும் பொழுது லால் சலாம் தோல்விக்கு எப்படி விளம்பரம் காரணமாக இருக்க முடியும் என்பது நெட்டிசன்களின் கேள்வியாக இருக்கிறது.
