இயக்குனர் லோகேஷ் கனகராஜ் இயக்கத்தில் தற்சமயம் ரஜினிகாந்த் நடித்து வரும் திரைப்படம் கூலி. இந்த திரைப்படத்திற்கு மக்கள் மத்தியில் அதிக எதிர்பார்ப்பு இருந்து வருகிறது.
பொதுவாகவே ரஜினி நடிக்கும் திரைப்படங்களுக்கு என்று ஒரு மார்க்கெட் இருப்பது அனைவருக்கும் தெரியும். இந்த நிலையில் லோகேஷ் கனகராஜும் இணைந்த காரணத்தினால் இந்த படம் அதிக வரவேற்பை பெற துவங்கியுள்ளது.
இந்த நிலையில் இந்த படத்தை பேன் இந்தியா திரைப்படமாக வெளியிட முடிவு செய்துள்ளது படக்குழு. இதற்காகவே இந்த படத்தில் பல மொழியில் இருக்கும் முக்கிய நடிகர்களை களம் இறக்கியிருக்கின்றனர்.
இதற்கு நடுவே நேற்று முதல்நாள் திடீரென நடிகர் அமீர்கான் இந்த படத்தில் நடிப்பதாக ஒரு போஸ்டரை சன் பிக்சர்ஸ் நிறுவனம் வெளியிட்டது. அதற்கு பின்னால் ஒரு காரணம் இருப்பதாக கூறப்படுகிறது.
ஹிந்தியில் ஹிருத்திக் ரோசன் மற்றும் ஜுனியர் என்.டி.ஆர் கூட்டணியில் உருவாகி வரும் திரைப்படம் வார் 2. கூலி திரைப்படத்திற்கு போட்டியாக இந்த திரைப்படமும் திரையரங்குகளில் வெளியாகிறது. எனவே பாலிவுட் மார்க்கெட்டில் ரஜினி படத்திற்கு திரையரங்குகள் அதிகம் கிடைக்காமல் போக வாய்ப்புள்ளது.
எனவேதான் அமீர்கான் இந்த படத்தில் இருப்பதை கூறி பாலிவுட் பக்கம் மார்க்கெட்டை பிடிக்க திட்டமிட்டுள்ளது கூலி படக்குழு என ஒரு பக்கம் பேச்சுக்கள் இருக்கின்றன.
