News
சம்பளம் காசா வேண்டாம்!. அல்லு அர்ஜுன் படத்துக்கு அட்லீ போட்ட புது கண்டிஷன்!.. ஆடிப்போன தயாரிப்பாளர்!.
WhatsApp
Facebook
X
Threads
Instagram
இயக்குனர் ஷங்கரிடம் உதவி இயக்குனராக பணிப்புரிந்து தமிழ் சினிமாவிற்கு இயக்குனராக அறிமுகமானவர் இயக்குனர் அட்லீ. அவரது முதல் படமான ராஜா ராணி திரைப்படமே மக்கள் மத்தியில் நல்ல வரவேற்பை பெற்றது.
இவரும் இயக்குனர் ஷங்கர் போலவே பிரமாண்டமான பொருட் செலவில் திரைப்படம் இயக்க கூடியவர் ஆவார். மேலும் அட்லீயின் திரைப்படங்களுக்கு தமிழ் சினிமாவில் நல்ல வரவேற்பு இருந்தது. அதனை தொடர்ந்து வரிசையாக நடிகர் விஜய்யை வைத்து திரைப்படம் இயக்கி வந்தார் அட்லீ.
அட்லீயை பொறுத்தவரை வணிக ரீதியாக அவரது திரைப்படங்கள் நல்ல வரவேற்பை பெற்று கொடுத்தாலும் அதற்கு நடுவே அவர் மீது ஒரு அவப்பெயரும் இருந்தன. அதாவது ஹாலிவுட் படங்களில் வரும் காட்சிகளை அப்படியே காபி அடித்து தனது திரைப்படங்களில் வைத்துவிடுவார் அட்லீ.
இதனால் அவரது திரைப்படங்கள் விமர்சனத்துக்கு உள்ளானதால் அவருக்கு தமிழ் சினிமாவில் வாய்ப்புகள் குறைந்தன. இதனையடுத்து பாலிவுட்டிற்கு சென்று ஜவான் என்கிற திரைப்படத்தை இயக்கினார். இந்த திரைப்படம் 1000 கோடிக்கு ஓடி பெரும் ஹிட் கொடுத்தது.
இதனை தொடர்ந்து அட்லீயின் சினிமா மார்கெட் வேற லெவலில் உயர்ந்துள்ளது என கூறலாம். இதனை அடுத்து தற்சமயம் தெலுங்கில் அல்லு அர்ஜூனை கதாநாயகனாக வைத்து ஒரு திரைப்படத்தை இயக்குகிறார் அட்லீ. இந்த திரைப்படத்தில் சமந்தா கதாநாயகியாக நடிப்பதாக கூறப்படுகிறது.
இந்த படத்தில் சம்பளம் குறித்து பேசும்போது படத்தின் லாபத்தில் குறிப்பிட்ட அளவை தனக்கு சம்பளமாக வழங்க வேண்டும் என பேசியுள்ளாராம் இயக்குனர் அட்லீ. இதனை அடுத்து அனைத்து இயக்குனர்களும் இப்படி கிளம்பிவிடுவார்களோ என பயப்படுகிறார்களாம் தயாரிப்பாளர்கள்.
