இது எல்லாமே ரொம்ப தப்பா இருக்கு !. என் இஷ்டத்துக்குதான் பண்ணுவேன். மிஸ்கினால் தலையில் துண்டை போட்ட தயாரிப்பாளர்..

ஒரு காலத்தில் தமிழ் சினிமாவில் பெரும் வெற்றி திரைப்படங்களை கொடுத்த இயக்குனராக இருந்தவர் இயக்குனர் மிஷ்கின். இப்பொழுது அவர் இயக்கும் திரைப்படங்களை விட நடிக்கும் திரைப்படங்களுக்குதான் அதிக வரவேற்புகள் இருந்து வருகின்றன.

அவர் இயக்கும் திரைப்படங்களை பெரிதாக யாரும் பார்ப்பதில்லை என்று கூறலாம். ஆரம்ப காலகட்டத்தில் அவர் இயக்கிய அஞ்சாதே, யுத்தம் செய் மாதிரியான திரைப்படங்கள் அதிக வரவேற்பை பெற்றது என்னவோ உண்மைதான்.

மிஸ்கினின் முடிவு:

ஆனால் அந்த அதிக வெற்றியே அவருக்கு தோல்வியை கொடுத்திருக்கிறது என்பது தயாரிப்பாளர் தனஞ்செயன் ஒரு பேட்டியில் பேசும்போதுதான் தெரிகிறது. ஹாலிவுட்டில் வந்த பேட்மேன் திரைப்படத்தை அடிப்படையாகக் கொண்டு தமிழில் சூப்பர் ஹீரோ கதையாக இயக்குனர் மிஷ்கின் இயக்கிய திரைப்படம் முகமூடி.

இந்த திரைப்படத்தில் ஜீவா கதாநாயகனாக நடித்தார். முதன்முதலில் இந்த படத்தில் சூர்யாதான் கதாநாயகனாக நடிப்பதாக இருந்தது. இந்த திரைப்படத்தை தனஞ்ஜெயன் தயாரித்தார். பொதுவாக தயாரிப்பாளருக்கு படத்தின் கதை பிடித்த பிறகுதான் படப்பிடிப்பை துவங்குவார்கள்.

ஆனால் முகமூடி திரைப்படத்தைப் பொறுத்தவரை அந்த படத்தின் கதை சுத்தமாக தயாரிப்பாளர்களுக்கு பிடிக்கவே இல்லை என தெரிகிறது. ஒரு பேட்டியில் இது குறித்து தனஞ்ஜெயன் பேசும் பொழுது படத்தின் கிளைமாக்ஸ் சரி இல்லை என்று படபிடிப்பு துவங்கும் பொழுது ஜீவா என்னிடம் கூறினார்.

கிளைமேக்ஸில் மாற்றம்:

நானும் அந்த கிளைமாக்ஸை படித்த பொழுது எனக்கு அது பிடிக்கவில்லை உடனே நான் மிஷ்கினை அழைத்து இவ்வளவு பெரிய பில்டப் கொடுத்துவிட்டு கதாநாயகனுக்கு ஒரு பெரிய மாஸ் கிளைமாக்ஸ் வைக்க வேண்டும்.

அப்பொழுதுதான் இந்த படம் திருப்தியாக இருக்கும். இது மிகவும் சிம்பிளான கிளைமாக்ஸ் ஆக இருக்கிறது எனவே இதை மாற்றிவிடலாம் என்று கூறினேன். ஆனால் அதற்கு மிஸ்கின் ஒப்புக்கொள்ளவில்லை. அவர் அதற்கு முன்பு ஒரு வெற்றி படத்தை கொடுத்திருந்தார். கதையில் எந்த மாற்றமும் செய்ய தயாராக இல்லை கடைசியில் அந்த திரைப்படம் தோல்வியை தழுவியது என்று கூறுகிறார் தனஞ்செயன்.