கில்லி பட காட்சியை அப்படியே துப்பாக்கியில் வச்சி இருந்தாங்க!.. ரகசியத்தை உடைத்த இயக்குனர் தரணி!..

விஜய் நடித்த பெரும்பாலான திரைப்படங்கள் தமிழில் நல்ல வெற்றியை கொடுத்துள்ளன. ஆனால் அவற்றில் சில படங்கள் எத்தனை தடவை பார்த்தாலும் பார்க்கலாம் என்கிற ரீதியில் இருக்கும். துள்ளாத மனமும் துள்ளும், பூவே உனக்காக, சச்சின், வசீகரா என அந்த வரிசையில் கில்லி திரைப்படமும் முக்கியமான திரைப்படமாகும்.

கில்லி திரைப்படத்தை பொறுத்தவரை மிடில் க்ளாஸை சேர்ந்த சாதாரண நபரான சரவண வேலு செய்யும் சாகசங்களே கதையாக இருப்பதால் அதற்கு அதிக முக்கியத்துவம் இருந்தது. இந்த நிலையில் தற்சமயம் மறுவெளியாடான கில்லி திரைப்படம் மறுவெளியீட்டிலும் நல்ல வெற்றியை கொடுத்துள்ளது.

இதற்கு முன்பு இயக்குனர் தரணி ஒரு பேட்டியில் பேசும்போது கில்லி படம் குறித்து சில விஷயங்களை பகிர்ந்திருந்தார். அதில அவர் கூறும்போது ”படம் குறித்து பலரும் கேட்கும்போது மதுரையில் செமி பைனலில் தோற்றுப்போன விஜய்யின் கபடி அணி எப்படி ஃபைனலுக்கு சென்றது என கேட்டனர். ஆனால் அந்த போட்டி பெஸ்ட் ஆஃப் 3 போட்டியாகும்.

படத்தில் விஜய் தங்கை ஒரு காட்சியில் லீக் மற்றும் செமி பைனலில் விஜய் ஜெயித்த போட்டோவை காட்டுவார் என விளக்கமளித்துள்ளார். அதே போல படத்தில் ஜீப்பை எப்படி விஜய் தூக்கினர் என பலர் கேட்கின்றனர். அது படத்தில் விஜய்யின் மாஸுக்காக வைத்த காட்சிதான் மற்றப்படி தனி ஆளாக ஜீப்பை தூக்க முடியாது.

அதே போல விஜய் க்ளைமேக்ஸில் அவரது உடலை அவரே சரி செய்து கொள்வதாக காட்சி வைத்திருந்தோம். அந்த காட்சியை அப்படியே துப்பாக்கி படத்தில் வைத்திருந்ததை பார்க்கும்போது மகிழ்ச்சியாக இருந்தது என்கிறார் தரணி.