ரஜினி இயக்குனருடன் கூட்டணி போடும் நானி!..இதுதான் கதையாம்!.

தமிழ் சினிமாவில் தொடர்ந்து சமூக நீதி திரைப்படங்கள் இயக்கும் இயக்குனர்களாக அறியப்படும் இயக்குனர்களில் தா.செ ஞானவேலும் முக்கியமானவர். ஜெய் பீம் திரைப்படத்திற்கு முன்பே இவர் ஒரு சில திரைப்படங்களை இயக்கியிருந்தாலும் கூட அவருக்கான அடையாளமான திரைப்படமாக ஜெய் பீம் திரைப்படம் இருந்தது.

அதனை தொடர்ந்து அடுத்து ரஜினியை வைத்து படம் இயக்கும் வாய்ப்பை பெற்றார் ஞானவேல். கடந்த ஒரு வருடங்களாக ரஜினியை கதாநாயகனாக வைத்து வேட்டையன் என்கிற திரைப்படத்தை இவர் இயக்கி வருகிறார். ஜெய் பீம் திரைப்படம் எப்படி காவலர்களின் அதிகார அத்து மீறலை பேசியதோ அதே போலவே வேட்டையன் திரைப்படமும் அமைந்துள்ளது.

போலி என்கவுண்டர்களை கதைக்களமாக வைத்து இந்த திரைப்படம் அமைந்துள்ளதாக கூறப்படுகிறது. தற்சமயம் இந்த படத்தின் முக்கால்வாசி படப்பிடிப்புகள் முடிந்துவிட்டன. இன்னும் சில நாட்களில் இந்த படத்தின் மொத்த படப்பிடிப்பும் முடிந்துவிடும்.

இதனை அடுத்து தெலுங்கு நடிகர் நானியை கதாநாயகனாக வைத்து அடுத்த படத்தை இயக்க உள்ளாராம் தா.செ ஞானவேல். இந்த திரைப்படத்திற்கான திரைக்கதை வேலையில் இப்போதே இறங்கிவிட்டாராம். இந்த திரைப்படமும் சமூகத்திற்கு முக்கியமான கருத்தை முன் வைக்கும் கதை களத்தைதான் கொண்டிருக்கும் என எதிர்பார்க்கப்படுகிறது.

ஆனால் இன்னமும் திரைத்துறையில் இருந்து இந்த திரைப்படம் தொடர்பாக அதிகாரப்பூர்வ அறிவிப்பு எதுவும் வரவில்லை.