ஒரு காலத்தில் சினிமாவில் வரிசையாக வெற்றி படங்களாக கொடுத்த நடிகர்களில் முக்கியமானவர் நடிகர் விஜயகாந்த். ஒரே வருடத்தில் கிட்டத்தட்ட பல வெற்றி படங்களை விஜயகாந்த் கொடுத்திருக்கிறார். ஒரு லட்சத்திற்கு படம் எடுத்து அதை ஒரு கோடிக்கு எல்லாம் ஹிட் கொடுத்து இருக்கிறார் விஜயகாந்த்.
அதனால் விஜயகாந்திற்கு பெரும் மார்க்கெட் அப்பொழுது இருந்தது. கிட்டத்தட்ட ஒரே வருடத்தில் 18 படங்கள் வரை விஜயகாந்த் நடித்தார். இதனாலேயே இயக்குனர் எஸ்.ஏ சந்திரசேகர் தொடர்ந்து விஜயகாந்தை வைத்து திரைப்படங்கள் இயக்கி வந்தார். இந்த நிலையில் ஒரு காலத்திற்குப் பிறகு விஜயகாந்தின் மார்க்கெட் கொஞ்சம் கொஞ்சமாக குறைய தொடங்கியது.
இந்த நிலையில் வருடத்திற்கு ஒரு திரைப்படம் என்ற வகையில் விஜயகாந்த் நடித்து வந்து கொண்டிருந்தார். அப்பொழுதுதான் அவர் நடித்த தவசி திரைப்படம் உருவாகி இருந்தது. தவசி திரைப்படத்தை வெளியிடுவதற்கு தயாரிப்பாளர் விநியோகஸ்தரை அணுகிய பொழுது அவர்கள் தயாரிப்பாளர் சொன்ன தொகையை ஏற்றுக் கொள்ளவில்லை.
இப்பொழுது எல்லாம் விஜயகாந்த் திரைப்படங்கள் ஓடுவதே இல்லை ஏதோ மரியாதைக்காக நாங்கள் வாங்கி ஓட்டிக் கொண்டிருக்கிறோம். எனவே இந்த விலைக்கு எல்லாம் வாங்க முடியாது என்று கூறிவிட்டனர். இந்த நிலையில் அதை காதில் வாங்கிக் கொண்டே உள்ளே வந்தார் விஜயகாந்த்.
விஜயகாந்த் உள்ளே வந்ததும் அவர்கள் அனைவரும் அதை அப்படியே மாற்றி பேசினர். விஜயகாந்த் படத்தால்தான் எங்களுக்கு நல்ல வருவாய் வருகிறது என்று விஜயகாந்த் முன்னர் பேசிவிட்டு சென்றனர். இது அவருக்கு மிகுந்த வருத்தத்தை அளித்தது என்று பத்திரிக்கையாளர் அந்தணன் ஒரு பேட்டியில் கூறி இருக்கிறார்.
