என் மூலமா பெரிய ஆள் ஆன இயக்குனர்கள் எத்தனை பேர் தெரியுமா? ஜி.வி பிரகாஷ் வெளியிட்ட லிஸ்ட்!..

தமிழில் இசையமைப்பாளராக அறிமுகமாகி தற்சமயம் நடிகராக வலம் வந்துக்கொண்டிருப்பவர் நடிகர் ஜி.வி பிரகாஷ். ஜி.வி பிரகாஷ் திரைப்படத்திற்கும் ரசிகர்கள் மத்தியில் ஓரளவு வரவேற்பு உள்ளது என்றே கூறலாம். ஆனால் ஹீரோ ஆவதற்கு முன்பு இசையமைப்பாளராக இருந்தப்போதுதான் இன்னும் அதிகமாக பிரபலமாக இருந்தார்.

ஜி.வி பிரகாஷ் தனது 17 ஆவது வயதிலேயே வெயில் திரைப்படத்தில் முதன் முதலாக இசையமைத்தார். அந்த படத்தில் வெயிலோடு விளையாடி, உருகுதே மருகுதே ஆகிய இரு பாடல்கள் பெரும் ஹிட் கொடுத்தன. அதனையடுத்து இசையமைப்பாளராக பல வெற்றிகளை கொடுத்துள்ளார்.

ஆனால் கதாநாயகன் ஆனப்போது சின்ன இயக்குனர்களுக்கு அதிக வாய்ப்புகளை கொடுத்தார் ஜி.வி பிரகாஷ். இதுக்குறித்து அவரிடம் ஒரு பேட்டியில் கேட்கும்போது பெரிய இயக்குனர்களோடு நடிப்பதற்கு வாய்ப்பு உள்ளபோதும் ஏன் சின்ன இயக்குனர்கள் படத்தில் நடிக்கிறீர்கள், சின்ன இயக்குனர் படத்திற்கு இசையமைக்கிறீர்கள் என கேட்கப்பட்டது.

அதற்கு பதிலளித்த ஜி.வி பிரகாஷ் என்னுடன் சின்ன இயக்குனராக பணிப்புரிந்த இயக்குனர்கள் எல்லாம் இப்போது பெரிய இயக்குனராக இருக்கிறார்கள். வெற்றிமாறன், புஷ்கர் காயத்ரி, ஆதிக் ரவிச்சந்திரன், காக்கா முட்டை மணிக்கண்டன் இவர்கள் அனைவருடனும் ஆரம்பக்கட்டத்தில் நான் பணிப்புரிந்தேன்.

இப்போது அனைவருமே நல்ல நிலையில் இருக்கின்றனர். எனவே ஒரு செண்டிமென்டாக புது இயக்குனர்களோடு பணிப்புரிகிறேன் என கூறினார் ஜி.வி பிரகாஷ்