வாய்ப்பு தேடி போனப்ப முதலில் காக்க வச்சுட்டார்!.. லோகேஷ் கனகராஜுடம் வாய்ப்பு கேட்டு போன வையாபுரி!..

தமிழ் திரையுலகில் குறைந்த காலகட்டத்தில் மிகப்பெரும் வளர்ச்சியை அடைந்தவர் இயக்குனர் லோகேஷ் கனகராஜ். லோகேஷ் கனகராஜ் இயக்கும் திரைப்படங்கள் அனைத்திற்குமே எப்போதும் தமிழ் மக்கள் மத்தியில் அதிக வரவேற்பு உண்டு.

இதனாலேயே அவரது சம்பளமும் அதிகரித்து வருகிறது. சின்ன இடத்தில் இருந்து தற்சமயம் பெரிய இடத்திற்கு வந்திருப்பதால் வாய்ப்பு தேடும் கலைஞர்களின் பிரச்சினைகளை லோகேஷ் கனகராஜால் புரிந்துகொள்ள முடியும். எனவேதான் யார் வாய்ப்பு தேடி வந்தாலும் அவர்களுக்கு முடிந்த அளவு தனது படத்தில் வாய்ப்பு கொடுக்கப் பார்ப்பார் லோகேஷ் கனகராஜ்.

ஆனால் அதுவே அவருக்கு கெட்ட பேரையும் உண்டாக்கி கொடுத்தது மாஸ்டர் திரைப்படம் வெளியான பொழுது அதில் வாய்ப்பு கேட்ட அனைவருக்கும் வாய்ப்பு கொடுத்ததால் எக்கச்சக்கமான முக்கிய நட்சத்திரங்கள் அதில் நடித்திருந்தனர்.

ஆனால் அவர்கள் அனைவருக்குமே முக்கியமான கதாபாத்திரம் இருக்க வில்லை அதனால் லோகேஷ் கனகராஜ் சும்மா எல்லா ஆட்களையும் வைத்து படத்தை எடுக்கிறார் ஆனால் அவர்களுக்கு முக்கியத்துவம் இருக்க மாட்டேங்குது என லோகேஷ் கனகராஜை அனைவரும் விமர்சித்தனர்.

இருந்தாலும் வாய்ப்பு தேடி வருபவர்களை இல்லை என்று அவர் அனுப்புவதில்லை. இந்த நிலையில் லியோ திரைப்படத்தின் படப்பிடிப்பு துவங்கிய பொழுது நடிகர் வையாபுரி லோகேஷ் கனகராஜிடம் வாய்ப்பு கேட்டு வந்தார். அப்பொழுது லோகேஷ் கனகராஜ் பிஸியாக இருந்ததால் வையாபுரியை ஒரு அறையில் அமர வைத்தனர்.

ஆனால் வெகு நேரம் ஆகியும் லோகேஷ் கனகராஜ் வராததால் அங்கிருந்து சென்ற வையாபுரி பிறகு படப்பிடிப்பு முடியும் போது அங்கு வந்தார். அவர் லோகேஷ் கனகராஜிடம் இந்த படத்தில் ஏதாவது வாய்ப்பு இருந்தால் கொடுக்குமாறு கேட்டார். உடனே அந்தப் படத்தில் வையாபுரிக்கும் ஒரு வாய்ப்பை உருவாக்கி அவருக்கு ஒரு கதாபாத்திரத்தை கொடுத்தார் லோகேஷ் கனகராஜ்.