பெரிய பட்ஜெட்டில் தயாராகும் கைதி 2… இதுதான் காரணம்..! கார்த்தியே எதிர்பார்க்காத சம்பவம்..!
தொடர்ந்து லோகேஷ் கனகராஜ் வெற்றி படங்களாக கொடுத்து வரும் காரணத்தினால் அவரது திரைப்படங்களுக்கான பட்ஜெட் என்பதும் அதிகரித்துக் கொண்டே இருக்கிறது.
தற்சமயம் நடிகர் ரஜினியை வைத்து லோகேஷ் கனகராஜ் இயக்கும் கூலி திரைப்படத்தின் பட்ஜெட் கிட்டத்தட்ட 400 கோடி என்று கூறப்படுகிறது. இந்த திரைப்படம் கண்டிப்பாக ஆயிரம் கோடி வசூல் கொடுக்கும் என்கிற நம்பிக்கை தென்னிந்தியாவில் பலருக்குமே இருக்கிறது.
ஏனெனில் ரஜினி திரைப்படத்திற்கு என்று தனிப்பட்ட ஒரு மார்க்கெட் இருந்து வருகிறது. இப்பொழுது லோகேஷ் கனகராஜ் திரைப்படங்களுக்கும் ஒரு மார்க்கெட் உருவாகி இருக்கிறது. இது இரண்டுமே சேர்த்து கூலி திரைப்படத்தின் வெற்றியை உச்சத்திற்கு கொண்டு செல்லும் என்று எதிர்பார்க்கப்படுகிறது.
இந்த நிலையில் கூலி திரைப்படத்திற்கு பிறகு கைதி படத்தின் இரண்டாம் பாகத்தை இயக்க இருக்கிறார் லோகேஷ் கனகராஜ். கைதி படத்தின் இரண்டாம் பாகமானது 300 கோடி பட்ஜெட்டில் உருவாக இருப்பதாக பேச்சுக்கள் இருக்கின்றன.
இதற்கு முன்பு நடிகர் கார்த்தி நடித்த எந்த ஒரு திரைப்படமும் பொன்னியின் செல்வனை தவிர இவ்வளவு பெரிய பட்ஜெட்டில் உருவாகவில்லை அப்படி இருக்கும்போது இந்த திரைப்படம் மட்டும் எப்படி 300 கோடி பட்ஜெட்டில் உருவாகும் என்கிற கேள்வி ஒரு பக்கம் இருக்கிறது.
ஆனால் கைதி திரைப்படம் நல்ல வெற்றியை கொடுத்த காரணத்தினாலும் லோகேஷ் கனகராஜ் இயக்குவதாலும் கைதி 2 படத்தின் பட்ஜெட் அதிகரித்துள்ளது என்று கூறப்படுகிறது. ஒருவேளை கைதி 2 நல்ல வெற்றியை கொடுக்கும் பட்சத்தில் நடிகர் கார்த்தியின் சம்பளமும் அதிகரிக்கும் என்று பேச்சுக்கள் இருக்கின்றன.