Karthik subbaraj jigarthada double x : 2012 இல் வெளிவந்த பீட்சா திரைப்படம் மூலமாக தமிழ் சினிமாவிற்கு இயக்குனராக அறிமுகமானவர் கார்த்திக் சுப்புராஜ். அதற்கு அவரது இரண்டாம் திரைப்படமான ஜிகர்தண்டா திரைப்படமே நல்ல வெற்றியை பெற்றது.
அதனை தொடர்ந்து கார்த்திக் சுப்புராஜ் இயக்கிய படங்கள் பலவும் வெகுவாக பேசப்பட்டன. ஆனால் சமீபத்தில் அவர் இயக்கிய ஜகமே தந்திரம், மகான் போன்ற திரைப்படங்கள் பெரிதாக பேசப்படவில்லை. மேலும் அவை அதிகமாக விமர்சனத்துக்கு உள்ளாகின.
அந்த படங்களில் அதிக லாஜிக் மிஸ்டேக் இருப்பதாக கூறப்பட்டது. அதனை தொடர்ந்து அடுத்து இயக்கும் படங்களில் அதிக லாஜிக் மிஸ்டேக் இருக்க கூடாது என கண்ணும் கருத்துமாக கார்த்திக் சுப்புராஜ் இயக்கிய திரைப்படம் ஜிகர்தண்டா டபுள் எக்ஸ். இந்த திரைப்படம் எதிர்பார்த்ததை விட அதிக வரவேற்பையும் வெற்றியையும் பெற்று தந்துள்ளது.
அமெரிக்காவில் உள்ள வன்மேற்கு கௌபாய் கலாச்சாரத்தை ஜெய்சங்கருக்கு பிறகு மீண்டும் கார்த்திக் சுப்புராஜ் கொண்டு வந்துள்ளார் என பேசப்படுகிறது. இந்த படம் குறித்து ஒரு மீட்டிங்கில் பேசும்போது கதாநாயகி குறித்து உருவ கேலி செய்த பத்திரிக்கையாளரை கண்டித்துள்ளார் கார்த்திக் சுப்புராஜ்.
அதாவது படத்தின் கதாநாயகி பெரிதாக அழகாக இல்லாதப்போதும் அவரை லாரன்ஸை அடக்கும் பவரான கதாபாத்திரமாக உருவாக்கியிருக்கிறீர்களே. அந்த ஐடியா உங்களுக்கு எப்படி வந்தது என கேட்டுள்ளார் பத்திரிக்கையாளர்.
இதனால் கோபமான கார்த்திக் சுப்புராஜ், அது எப்படி அவரை அழகு இல்லை என நீங்கள் கூற முடியும். உங்கள் பார்வையில் வேண்டுமானால் அவர் அழகு இல்லாதவராக தோன்றலாம். அதற்காக இப்படி அநியாயமாக பேசாதீர்கள் என கூறியுள்ளார் கார்த்திக் சுப்புராஜ். வெள்ளை நிறம்தான் அழகு, வெள்ளை கதாநாயகிகள்தான் அழகு என்று ஓடி கொண்டிருக்கும் சினிமாவில் அழகு நிறத்தை வைத்து அமைவதில்லை என்கிற மனநிலையில் கார்த்திக் சுப்புராஜ் இருப்பது மக்கள் மத்தியில் அவர் குறித்து நல்ல மதிப்பை ஏற்படுத்தியுள்ளது.
