ஏப்ரல்க்குள்ள ரஜினி எனக்கு வேணும்!.. ஜெய் பீம் இயக்குனருக்கு நாள் குறிச்ச லோகேஷ்!..

இளம் இயக்குனர்களே தற்சமயம் தமிழ் சினிமாவை முழுவதுமாக ஆக்கிரமித்துள்ளார் என்று கூறலாம். பழைய இயக்குனர்களை விட புது இயக்குனர்கள் திரைப்படத்தில் நடிப்பதற்குதான் பெரும் நடிகர்களே கூட விருப்பம் தெரிவிக்கின்றனர்.

இந்த நிலையில் ரஜினி கபாலி படத்திற்குப் பிறகு தொடர்ந்து இளம் இயக்குநர்கள் திரைப்படங்களிலேயே நடித்து வருகிறார். அந்த வகையில் தற்சமயம் நெல்சன் இயக்கத்தில் நடித்த ஜெயிலர் திரைப்படத்தின் வெற்றியை தொடர்ந்து ஜெய்பீம் திரைப்படத்தின் இயக்குனர் ஞானவேல் இயக்கத்தில் ஒரு திரைப்படத்தில் நடித்து வருகிறார்.

போலீஸ் என்கவுண்டருக்கு எதிரான திரைப்படமாக இது இருக்கும் என்று கூறப்படுகிறது. இந்த நிலையில் இதற்கு அடுத்து லோகேஷ் கனகராஜ் இயக்கத்தில் நடிக்க இருக்கிறார் ரஜினிகாந்த். ஏற்கனவே கமிட்டாகி இருக்கும் இந்த படத்திலேயே 100 நாட்கள் வரை படப்பிடிப்பு இருப்பதாக பேச்சுக்கள் இருக்கின்றன.

இந்த நிலையில் தற்சமயம் லோகேஷ் கனகராஜ் ஏப்ரல் மாதம் தன்னுடைய திரைப்படத்தின் படப்பிடிப்பை துவங்க இருப்பதாக கூறியுள்ளார் எனவே ஏப்ரல் மாதத்திற்கு உள்ளாக ஞானவேல் தன்னுடைய படப்பிடிப்பை முடித்தாக வேண்டிய சூழ்நிலை உருவாகியுள்ளது. எனவே இடையில் சற்று ஓய்வு எடுத்துக் கூட திரைப்படம் எடுக்க முடியாத நிலையில் இருக்கிறார் ஞானவேல்.