50 ஆவது படம் கை கொடுக்குமா? மகாராஜா திரைப்படம் ப்ரிவீவ் ஷோ விமர்சனம்..!

50 ஆவது 100 ஆவது படம் போன்றவை எல்லாம் நடிகர்களுக்கு முக்கியமான திரைப்படங்களாகும். இந்த படங்களில் அவர்களுக்கு தோல்வி ஏற்பட்டுவிட்டால் அது ஒரு வரலாறாக பதிந்து விடும். இந்த நிலையில் அடுத்து விஜய் சேதுபதி நடித்து வரும் மகாராஜா திரைப்படம் அவருக்கு 50 ஆவது திரைப்படமாகும்.

இந்த திரைப்படத்தை குரங்கு பொம்மை திரைப்படத்தை இயக்கிய இயக்குனர் நித்திலன் சுவாமிநாதன் இயக்கியுள்ளார். இந்த திரைப்படம் குறித்து மக்கள் மத்தியில் அதிக வரவேற்பு இருந்து வருகிறது. இந்த நிலையில் ப்ரீவிவ் ஷோ மூலமாக படத்தின் விமர்சனம் கிடைத்துள்ளது.

படக்கதை:

படத்தின் கதைப்படி விஜய் சேதுபதி ஒரு சலூன் கடை நடத்தி வரும் நபராக இருந்து வருகிறார். அவருக்கு லெட்சுமி என்னும் சிறு வயது மகள் இருக்கிறார். தாய் இல்லாத பிள்ளையான லெட்சுமியை விஜய் சேதுபதி செல்லமாக வளர்த்து வருகிறார்.

இந்த நிலையில் வில்லன் அனுராக் காஷ்யப் குழந்தை கடத்துவதை முக்கிய தொழிலாக செய்து வருகிறார். முக்கியமாக நலிவடைந்த குடும்பத்தை சேர்ந்தவர்களின் குழந்தையை கடத்துவதை வேலையாக கொண்டுள்ளார். ஏனெனில் அவர்கள்தான் தொடர்ந்து போலீஸ் புகார் என சென்று கொண்டிருக்க மாட்டார்கள்.

இந்த நிலையில் விஜய் சேதுபதியின் பிள்ளையான லெட்சுமியை கடத்துகிறான் வில்லன். இதனை அறிந்த விஜய் சேதுபதி போலீஸில் இதுக்குறித்து புகார் அளிக்கிறார். ஆனால் ஆரம்பத்தில் போலீஸ் இதை உதாசீனப்படுத்துகிறது.

எனவே தன்னுடைய குழந்தையை தேடி விஜய் சேதுபதியே களத்தில் இறங்குகிறார். இதற்கு நடுவே இந்த குற்றம் தொடர்பாக பெரிய இடத்தில் நிறைய அழுத்தங்கள் வரவே கடத்தியவன் சாதாரண ஆசாமி இல்லை என போலிஸான நடராஜனுக்கும் தெரிகிறது.

இதற்கு நடுவே தொடர்ந்து வில்லனை நெருங்குகிறார் விஜய் சேதுபதி. அதன் மூலம் அவர் வெறும் முடிவெட்டுபவர் மட்டும் கிடையாது என்கிற விஷயத்தை அறிகிறான் வில்லன். இந்த போராட்டத்தில் அவர் தனது குழந்தையை மீட்பதே கதையாக உள்ளது.

முடிவெட்டும் நபராக அபாரமான நடிப்பை விஜய் சேதுபதி வெளிப்படுத்தியுள்ளார். வில்லன அனுராக் காஷ்யப்பும் சிறப்பாக நடித்துள்ளார். கண்டிப்பாக இந்த படம் ஹிட் கொடுக்கும் என எதிர்பார்க்கப்படுகிறது.

நாளை இந்த படம் திரையரங்குகளுக்கு வர இருக்கிறது.