லியோ முதல்ல ஹிட் அடிக்கட்டும்.. அப்புறம் என் மீசையை பத்தி பேசலாம்! – கழுவுற மீனில் நழுவுற மீனாக மீசை ராஜேந்திரன்!

தமிழ் சினிமாக்களில் பல துணை வேடங்களில் நடித்து வருபவர் மீசை ராஜேந்திரன். சமீபமாக பல பேட்டிகளில் சினிமா படங்கள், சினிமா பிஸ்னஸ் குறித்தும் பல விஷயங்களை பேசி வருகிறார். லியோ பட ரிலீஸுக்கு முன்னால் பேட்டி ஒன்றில் ஆவேசமாக பேசிய மீசை ராஜேந்திரன் “லியோ மட்டும் ஜெயிலர் வசூலை முந்திடுச்சுனா நான் என் மீசையை எடுத்துடுறேங்க” என பேசியிருந்தார்.

இந்நிலையில் நேற்று முன் தினம் வெளியான லியோ முதல் நாளே ரூ.143 கோடியை தாண்டி விட்டதாக படக்குழு அறிவித்துள்ளது. இதன் மூலம் முதல் நாள் வசூலிலேயே ஜெயிலரை லியோ முந்தியுள்ளது. ‘எங்கப்பா அந்த மீசை ராஜேந்திரன்?” என விஜய் ரசிகர்கள் தேடி வந்த நிலையில் அவரே ஒரு சேனலில் பேட்டியளித்துள்ளார்.

அதில் அவர் “என் மீசையை பத்தி கேப்பீங்கன்னு தெரியும். நான் ஜெயிலர் முதல்நாள் வசூலை முந்தினா என சொல்லல. மொத்த வசூலை முந்தி காட்டட்டும். ஜெயிலர், 2.0 வசூலை தாண்டினா அப்போ மீசையை எடுக்குறத பத்தி பேசலாம்” என ஆவேசமாக பேசியுள்ளார்.

ஜெயிலர் வசூல் 525 கோடிதான். ஆனால் 2.0 வசூல் 800 கோடி. மீசையை எடுக்க பயந்து ராஜேந்திரன் 2.0 வை உள்ளே இழுத்து நழுவ பார்க்கிறார் என விஜய் ரசிகர்கள் பேசி வருகின்றனர். எனினும் அந்த 800 கோடியை லியோ தாண்டும் என ரசிகர்கள் நம்பிக்கையுடன் எதிர்பார்த்து காத்திருக்கிறார்கள்.