Nadhiya: ஒரு சில நடிகைகளை ரசிகர்கள் எப்பொழுதும் மறப்பதில்லை. சில நடிகைகள் ரசிகர்களின் கனவு கன்னியாகவே மாறிவிடுவார்கள். அந்த வகையில் பலரின் கனவு கன்னியாக இருந்தவர் நதியா.
இவர் சினிமாவில் அவருக்கென்று ஒரு வரைமுறையை வைத்து நடித்து வந்தார். இதனாலேயே இவருக்கு ரசிகர் கூட்டங்கள் பல இருந்தது. தமிழில் “பூவே பூச்சூடவா” என்ற திரைப்படத்தின் மூலம் அறிமுகமானார். இவர் தமிழ் மற்றும் மலையாள படங்களில் அதிகமாக நடித்திருக்கிறார்.
இந்நிலையில் பிரபல படத்தில் நடிக்க இருந்து அதன் பிறகு விலகி உள்ள நதியா அதற்கான காரணம் தற்போது சமூக வலைத்தளங்களில் வைரலாகி வருகிறது.
நடிகை நதியா
நடிகை நதியாவிற்கு ஆண் ரசிகர்கள் மட்டுமல்லாமல், அதிகமான பெண் ரசிகைகளும் இருந்தார்கள். அந்த காலகட்டத்தில் எந்த ஒரு பொருளை எடுத்தாலும் நதியாவின் பெயர் சொல்லும் அளவிற்கு இருந்தது. உதாரணமாக நதியா புடவை, நதியா வளையல், நதியா பெண்கள் சைக்கிள் என நதியாவிற்கு நல்ல வரவேற்பு இருந்தது.
பல படங்களில் நடித்தாலும் கவர்ச்சியான தோற்றங்களில் அவர் நடித்ததில்லை. மேலும் ஆபாசமான காட்சிகளிலும் அவர் நடித்ததில்லை. நீண்ட நாள் இடைவெளிக்குப் பிறகு மீண்டும் “எம் குமரன் சன் ஆஃப் மகாலட்சுமி ” என்ற படத்தில் நடித்தார் இந்த படத்தில் ரி-என்ரி கொடுத்ததன் மூலம் மீண்டும் தமிழ் ரசிகர்களின் மனதில் இடம் பிடித்தார்.
அதன் பிறகு பல விளம்பர படங்களில் நடித்து வந்தார். கடந்த 1988 ஆம் ஆண்டு சிரீஸ் காட்போல் என்பவரை திருமணம் செய்து கொண்டார். இவருக்கு தற்போது இரண்டு பெண் குழந்தைகள் உள்ளனர்.
படத்திலிருந்து விலகிய நதியா
தமிழ் சினிமாவில் ஒரு ஒரு சில படங்கள் மட்டுமே இயக்கி இருந்தாலும் அனைவராலும் நன்றாக அறியக்கூடியவர் இயக்குனர் தியாகராஜன் குமாரராஜா.
இவரின் இயக்கத்தில் வெளிவந்த படம் தான் சூப்பர் டீலக்ஸ். இந்த திரைப்படம் வெளிவந்த பிறகு அதிகமான சர்ச்சைகளை பெற்றது. முக்கியமாக இந்த திரைப்படம் திருநங்கைகள் குறித்தும், அந்த திரைப்படத்தில் மோசமான காட்சிகள் இடம் பெற்று இருந்ததாகவும் அப்போது அதிகமான சர்ச்சைகள் வெளிவந்தன.
இந்த திரைப்படத்தில் விஜய் சேதுபதி, பகத் ஃபாசில், சமந்தா,ரம்யா கிருஷ்ணன், மிஸ்கின் உள்ளிட்ட பல முக்கிய நடிகர்கள் நடித்திருந்தனர்.
இந்நிலையில் ரம்யா கிருஷ்ணன் சர்ச்சைக்குரிய கதாபாத்திரத்தில் நடித்திருந்தார். அந்த மாதிரி திரைப்படங்களில் நடிக்க கூடிய ஒரு பெண்ணாக அதில் நடித்திருந்தார். இந்த கதாபாத்திரத்தில் முதலாவதாக நடிக்க இருந்த நடிகை நதியா.
ஆனால் இந்த படத்தில் இருந்து அவர் விலகியதற்கான காரணம் தற்போது சமூக வலைத்தளங்களில் வெளியாகி இருக்கிறது. நதியா படத்தின் கதையை கேட்டுவிட்டு அவருக்கு பிடித்திருக்கிறது. கதை கேட்டுக் கொண்டிருக்கும் போதே அந்த கதாபாத்திரத்தில் அவரின் மகனே அவரைத் தே* என்று அழைக்கும் காட்சி இடம் பெற்று இருக்கிறது. இதனை கேட்டதும் நதியாவிற்கு அதிர்ச்சி ஏற்படுத்தி உள்ளது.
ஏனென்றால் மகனே அவ்வாறு அழைக்கும் பொழுது அதற்கு எப்படி பதில் அளிப்பது என எனக்கு புரியவில்லை. எனவே இந்த திரைப்படத்தில் இருந்து நான் விலகுகிறேன் என அவர் கூடியிருக்கிறார். இந்த கதாபாத்திரத்தை ஏற்றுக் கொள்ள முடியாமல் தான் நதியா அந்த படத்தில் இருந்து விலகி இருக்கிறார்.
படத்தில் ஆரம்ப காலகட்டத்தில் இருந்து நடித்து வந்த நடிகை நதியா, ஒரு சில காட்சிகளில் நடிப்பதற்கு மறுத்திருக்கிறார். சூப்பர் டீலக்ஸ் படத்தில் இந்த கேரக்டரில் நடித்தால் எங்கு இதுவரை அவர் பெற்ற நல்ல பெயர் போய் விடுமோ என்ற பயத்தினாலும், அந்த கதாபாத்திரத்தில் உடன்பாடு இல்லாததாலும் இந்த படத்தில் இருந்து அவர் விலகி இருக்கிறார்.
அதன் பிறகு தான் இந்த படத்தில் நடிக்க ரம்யா கிருஷ்ணன் ஒப்பந்தம் ஆகி இருக்கிறார்.
