News
தங்கலானுக்கு பிறகு பா.ரஞ்சித்தின் புது முயற்சி!.. லோகேஷ் கனகராஜ் கூட பண்ணுனது கிடையாதே!..
WhatsApp
Facebook
X
Threads
Instagram
தமிழில் சமூகநீதி திரைப்படங்கள் இயக்கும் இயக்குனர்களில் முக்கியமானவர் இயக்குனர் பா.ரஞ்சித். பெரும்பாலும் பா.ரஞ்சித் இயக்கும் திரைப்படங்களில் படத்தின் கதையில் அரசியல் ரீதியாக ஏதாவது ஒரு விஷயத்தை பேசியிருப்பார்.
மேலும் அந்த படங்கள் நல்ல வெற்றியையும் கொடுத்துவிடும். ஆனால் நட்சத்திரம் நகர்கிறது மாதிரியான சில திரைப்படங்கள் அவருக்கு அவ்வளவாக வெற்றியை பெற்று தரவில்லை. இந்த நிலையில் தற்சமயம் நடிகர் விக்ரம் நடிப்பில் தங்கலான் திரைப்படத்தை இயக்கி வருகிறார் பா.ரஞ்சித்.
பழங்குடி இன மக்களுக்கு தங்கம் எடுக்க வரும் கும்பலுக்கும் இடையே நடக்கும் கதை இது என பேச்சுக்கள் இருக்கின்றன. இந்த படத்தை பா.ரஞ்சித் மற்றும் விக்ரம் இருவருமே மலை போல நம்பியிருக்கின்றனர். ஏனெனில் விக்ரமிற்கும் இதற்கு முன்பு பெரிதாக வெற்றி படங்கள் அமையவில்லை.
பா.ரஞ்சித்தின் அடுத்த திட்டம்:
இந்த நிலையில் தங்கலான் திரைப்படத்திற்கு பிறகு பா.ரஞ்சித் குறைந்த பட்ஜெட்டில் திரைப்படம் இயக்க போவதாக கூறப்படுகிறது. இந்த திரைப்படத்தில் நடிகர் அட்டக்கத்தி தினேஷ் கதாநாயகனாக நடிக்கிறாராம். மேலும் ஏற்கனவே பா.ரஞ்சித் இயக்கத்தில் வெளிவந்த படங்களில் நடித்த நடிகர்களைதான் இந்த படத்திற்கும் அவர் தேர்ந்தெடுத்துள்ளாராம்.
பொதுவாக பெரிய பட்ஜெட்டில் ஹிட் கொடுத்துவிட்டால் அந்த இயக்குனர்கள் அடுத்த படத்தை இன்னும் பெரிய பட்ஜெட்டில்தான் இயக்குவார்கள். லோகேஷ் கனகராஜ் மாதிரியான பெரும் இயக்குனர்களே அப்படிதான் படம் இயக்கி வருகின்றனர்.
ஆனால் அதற்கு மாறாக பா.ரஞ்சித் அடுத்து குறைந்த பட்ஜெட்டில் படம் இயக்குவது பலருக்கும் ஆச்சரியத்தை ஏற்படுத்தியிருக்கிறது. அதிகப்பட்சம் இந்த படத்தை பா.ரஞ்சித்தே தயாரிப்பதற்கு வாய்ப்பிருப்பதாகவும் கூறப்படுகிறது.
