விஜய் அப்பவே எனக்கு சொன்ன வேதவாக்கு!.. வாழ்க்கையில் மறக்கமாட்டேன்!.. மனம் நெகிழ்ந்த பேரரசு..

Actor Vijay : தமிழ் சினிமாவில் உள்ள டாப் நடிகர்களில் முக்கியமானவர் நடிகர் விஜய். விஜய் நடிப்பில் உருவாகும் திரைப்படங்களுக்கு அதிக வரவேற்பு இருக்கும் காரணத்தாலேயே அவரது சம்பளம் என்பது அதிகரித்துக்கொண்டே வருகிறது.

விஜய் எல்லா காலங்களிலும் கதைக்கு முக்கியத்துவம் கொடுக்கும் திரைப்படங்களில்தான் நடித்து வந்தார். அறிமுக இயக்குனராக இருந்தாலும் கூட அவரது கதை நன்றாக இருக்கும் என தோன்றும் பட்சத்தில் அவர்களுக்கு சினிமாவில் வாய்ப்பு கொடுப்பார் விஜய்.

அப்படி அவர் வாய்ப்பளித்த புதிய இயக்குனர்களில் முக்கியமானவர் இயக்குனர் பேரரசு. இயக்குனர் பேரரசு இயக்கிய திரைப்படங்கள் பெரும்பாலும் நல்ல வெற்றியை கொடுத்துள்ளன. இந்த நிலையில்  அவரது முதல் படமே நடிகர் விஜய்யுடன் அமைந்தது அவரது அதிர்ஷ்டம் என்றே கூற வேண்டும்.

திருப்பாச்சி படத்தின் கதையை விஜய்யிடம் கூறும்போது பேரரசு உதவி இயக்குனராகதான் இருந்தார். ஆனாலும் அவரது கதை விஜய்க்கு பிடித்துவிடவே அதில் நடிக்க தயாரானார் விஜய். படப்பிடிப்பு எல்லாம் முடிந்த பிறகு அந்த படத்தை பார்த்த விஜய் பேரரசுவிடம் எதுவுமே கூறவில்லையாம்.

இதனால் பேரரசு கவலைப்பட்டுள்ளார். ஒருவேளை விஜய்க்கு இந்த படம் பிடிக்கவில்லையோ என்கிற கவலை அவருக்கு. ஆனால் அவரை அழைத்த விஜய் இந்த வருடம் டாப் 10 இயக்குனர்களில் நீங்கள் கண்டிப்பாக இருப்பீர்கள் என கூறினார். அதை போலவே பிறகு நடந்தது என கூறுகிறார் பேரரசு.