விஜய் ரஜினி இப்ப சண்டை போட காரணமே 20 வருஷம் முன்பு நடந்த பிரச்சனைதான்!.. இதெல்லாம் வேற நடந்துச்சா!..

Actor Rajinikanth and Thalapathy Vijay : தமிழ் சினிமாவில் அறிமுகமான ஆரம்பத்தில் அதிகமாக விமர்சனத்துக்கு உள்ளான நடிகர்களில் தளபதி விஜய்யும் முக்கியமானவர். அவர் நாளைய தீர்ப்பு திரைப்படத்தில் நடித்தப்போது மக்களால் வெகுவாக விமர்சனத்திற்கு உள்ளானார்.

இந்த நிலையில் மிகவும் கஷ்டப்பட்டுதான் விஜய் சினிமாவில் தனக்கான அங்கீகாரத்தை பெற்றார். ஆனால் வளர துவங்கியவுடன் விஜய்க்கும் சரி அஜித்திற்கும் சரி ரஜினிகாந்தின் இடத்தை பிடிக்க வேண்டும் என்பதே பெரும் ஆசையாக இருந்தது.

இந்த நிலையில்தான் ரஜினிகாந்த் நடித்த பாபா திரைப்படம் 2002 ஆம் ஆண்டு வெளியானது. பாபா திரைப்படம் பெறும் வெற்றியை கொடுக்கும் என நம்பினார் ரஜினிகாந்த். ஆனால் அந்த படம் படு தோல்வி அடைந்தது. ஆனால் அதே 2002 ஆம் ஆண்டு விஜய் நடித்து வெளியான தமிழன், யூத், பகவதி ஆகிய மூன்று படங்களுமே பெறும் வெற்றியை கொடுத்தது.

இதனால் தன்னுடைய காலம் சினிமாவில் முடிந்துவிட்டது என்றே கருதினார் ரஜினிகாந்த். எனவே சில வருடங்களுக்கு அவர் படம் நடிப்பதையே விட்டுவிட்டார். அதற்குள் விஜய் திருமலை, கில்லி, மதுர,திருப்பாச்சி மாதிரியான படங்கள் மூலம் நல்ல வரவேற்பை பெற்றிருந்தார்.

இந்த நிலையில்தான் 2005 இல் மீண்டும் சந்திரமுகி திரைப்படம் மூலமாக ரீ என்ட்ரி கொடுத்தார் ரஜினிகாந்த். 4 வருடங்களாக ரஜினிகாந்திற்கு பெரிதாக மார்க்கெட் இல்லாமல் இருந்ததால் அவரை எளிதாக வீழ்த்திவிடலாம் என விஜய் நடித்த சச்சின் திரைப்படத்தை சந்திரமுகி படத்திற்கு போட்டியாக வெளியிட்டனர்.

ஆனால் சச்சின் திரைப்படத்தை ஓரங்கட்டியது சந்திரமுகி. மேலும் ஒரு வருடம் திரையில் ஓடி ப்ளாக்பஸ்டர் ஹிட் கொடுத்தது. மீண்டும் ரஜினி சினிமாவில் தனது பயணத்தை தொடர அந்த வெற்றி காரணமாக இருந்தது.