தமிழ் சினிமாவை பொறுத்தவரை விஜய் அஜித் இருவருமே மாபெரும் போட்டி நடிகர்கள் ஆவர். இவர்கள் இருவரது திரைப்படங்களும் வெகு நாட்களாக போட்டி போட்டு வருகின்றன.இதனால் அவர்களது திரைப்படங்களில் நடிக்கும் மற்ற நடிகர்களுக்கும் பிரச்சனை இருந்தது.
அப்போது சற்று பிரபலமாக இருந்த பல நடிகர்களுக்கு ஒரே நேரத்தில் இரண்டு நாயகர்கள் படத்திலும் நடிப்பதற்கான வாய்ப்புகள் வரும். ஆனால் அவர்கள் யார் படத்தில் நடிக்க இருக்கிறார்கள் என தேர்வு செய்வது கடினமாக இருக்கும்.
நடிகை சங்கீதாவிற்கும் அப்படி ஒரு சங்கடம் நடந்தது. நடிகை சங்கீதா தமிழ் சினிமாவில் பல படங்களில் நடித்துள்ளார். இவர் சில படங்களில் நடித்து பிரபலமான பிறகு இவருக்கு இரண்டு படங்களில் நடிப்பதற்கான வாய்ப்பு கிடைத்தது.
அதில் ஒன்று அஜித் கதாநாயகனாக நடித்த காதல் கோட்டை மற்றொன்று விஜய் நடித்த பூவே உனக்காக. காதல் கோட்டை படத்தை பொறுத்தவரை அதில் அவருக்கு கதாநாயகி கதாபாத்திரம் கொடுக்கப்பட்டது. ஆனால் விஜய் படத்தில் இரண்டாம் கதாநாயகி கதாபாத்திரம்தான் வழங்கப்பட்டது.
இருந்தாலும் பரவாயில்லை என பூவே உனக்காக படத்தில் நடித்துள்ளார் சங்கீதா. ஆனால் அந்த படம் அவருக்கு முக்கியமான படமாக அமைந்தது. அதன் பிறகு அதிக பட வாய்ப்புகள் வருவதற்கும் இது காரணமாக அமைந்துள்ளது.
