பிரபுதேவாவின் வாய்ப்பை பறித்த வடிவேலு… இல்லன்னா அந்த படத்தில் அவர்தான் ஹீரோ!..

Prabhu deva: தமிழ் சினிமா நடிகர்களில் முக்கியமானவர் நடிகர் பிரபுதேவா. ஒரு சாதரண டான்ஸ் ஆடுபவராகத்தான் இவர் தமிழ் சினிமாவிற்கு வந்தார். ஆனால் நாட்கள் செல்ல செல்ல இவரது திறமையை கண்ட தமிழ் சினிமா இவரை டான்ஸ் மாஸ்டராக்கியது.

மிக இளம் வயதிலேயே சினிமாவில் டான்ஸ் மாஸ்டரானவர் நடிகர் பிரபுதேவா. அதன் பிறகு சில படங்களில் பாடல்களில் இவரே வந்து ஆடிக்கொண்டிருப்பார். ஆனால் ஹீரோவாக நடிக்கும் ஆசை இவருக்கு வெகு நாட்களாக இருந்ததால் கதாநாயகனாக நடிக்க துவங்கினார் அதற்கும் கூட மக்கள் மத்தியில்  அதிக வரவேற்பு கிடைக்க துவங்கியது.

இந்த நிலையில் கமர்ஷியல் ஹீரோவாக வலம் வந்தவர் தற்சமயம் காமெடி கதாநாயகனாக நடிக்க துவங்கினார். அப்படியாக பிரபுதேவாவிற்கு வந்த ஒரு வாய்ப்பை வடிவேலு தட்டி பறித்த சம்பவமும் நடந்துள்ளது. ஆமாம் வடிவேலு நடிப்பில் வெளியாகி பெரும் ப்ளாக்பஸ்டர் ஹிட் கொடுத்த திரைப்படம் 23 ஆம் புலிகேசி.

இந்த திரைப்படத்தில் நடிப்பதற்கான வாய்ப்பானது முதலில் நடிகர் பிரபுதேவாவிற்குதான் வந்துள்ளது. நடிகர் பிரபுதேவா அல்லது நடிகர் ஜெய்ராமை வைத்து அந்த படத்தை எடுக்கதான் முடிவெடுத்திருந்தார் இயக்குனர் சிம்புதேவன்.

ஆனால் அந்த திரைப்படத்தின் கதையை கேள்விப்பட்ட வடிவேலு கண்டிப்பாக அந்த படத்தில் நடிக்க வேண்டும் என பேசி சிம்புதேவனை சமாதானம் செய்திருக்கிறார். வடிவேலுவை வைத்து இயக்க மனமில்லை என்றாலும் வேறு வழியில்லாமல் ஒப்புக்கொண்டார் சிம்புதேவன்.

இப்படியாக உருவான அந்த 23 ஆம் புலிகேசி திரைப்படம் பிறகு பெறும் ஹிட் கொடுத்தது.