அட்வைஸ் பண்றதுக்கு முன்னாடி, சொன்ன சொல்லில் நீங்கள் முதல்ல கரெக்டா இருக்கீங்களா!.. வெளிப்படையாக கேட்ட பத்திரிக்கையாளர்!..

Actor Ajith: நடிகர் அஜித் தமிழ் சினிமாவில் அதிக வாய்ப்புகளை பெற்று வரும் நடிகர்களில் முக்கியமானவர் என கூறலாம். அஜித் நடிக்கும் திரைப்படங்களுக்கு எப்போதுமே ஒரு பெரும் ரசிக பட்டாளம் பார்ப்பதற்கு காத்திருப்பதால் மார்க்கெட் குறையாமல் இருக்கிறார் அஜித்.

மேலும் மற்ற நடிகர்களில் அஜித் தனித்து தெரிவதற்கு அவரது ரசிகர்களே காரணம் எனலாம். ஏனெனில் எம்.ஜி.ஆரில் துவங்கி இப்போது உள்ள நடிகர்கள் வரை ஒவ்வொருவரும் தமிழ் சினிமாவில் தங்களை நிலை நிறுத்தி கொள்வதற்காக மக்கள் மத்தியில் தொடர்ந்து அவர்களை பிரபலப்படுத்திக்கொள்வதை பார்க்க முடியும்.

ஆனால் அப்படியான எந்த விளம்பரமும் செய்யாமலே மிகவும் பிரபலமாக இருப்பவர் நடிகர் அஜித் என கூறலாம். இது பலருக்கும் வியப்பை ஏற்படுத்தும் விஷயமாக இருக்கிறது. இந்த நிலையில் இதுக்குறித்து பேசிய பத்திரிக்கையாளர் அந்தணன் அஜித் குறித்து சில சர்ச்சைக்குரிய தகவல்களை கூறியிருந்தார்.

அஜித் மக்களுக்காக பேட்டி எல்லாம் அளித்து வந்த காலத்தில் அவர் ஜெயா டிவியில் ஒரு பேட்டி அளித்திருந்தார். அதில் நடிகர்கள் அரசியலுக்கு வருவது குறித்து அஜித் கூறியிருந்த கருத்து பிரபலமாகி வந்தது. நடிகர்கள் அரசியலுக்கு வந்துதான் மக்களுக்கு நன்மைகள் செய்ய வேண்டும் என்றில்லை.

ஒரு சாதரண மனிதனாக அவர்களது கடமைகளை சரியாக செய்தாலே போதும் என கூறியிருந்தார் அஜித். இந்த நிலையில் அஜித் முதலில் அவரது கடமைகளை சரியாக செய்கிறாரா என கேள்வி எழுப்புகிறார் அந்தணன். ரசிகர்கள் எந்த எதிர்பார்ப்பும் இல்லாமலே அவரது திரைப்படங்களுக்கு வரவேற்பு கொடுத்தாலும் தங்களது ரசிகர்களை மகிழ்விக்க அஜித் என்ன செய்திருக்கிறார்.

தனது ரசிகர்களை மகிழ்விக்க வேண்டும் என்பதும் அவரது கடமைதானே என இதுக்குறித்து கேள்வி எழுப்பியுள்ளார் அந்தணன்.