இயக்குனர் பாலு மகேந்திராவிடம் உதவி இயக்குனராக இருந்து அதன் பிறகு தமிழ் சினிமாவில் இயக்குனராக அறிமுகமானவர் இயக்குனர் வெற்றிமாறன். அவரது முதல் படமான பொல்லாதவன் மட்டுமே சற்று கமர்ஷியலான படம் என்று கூறலாம்.
அதற்கு பிறகு அவர் இயக்கிய திரைப்படங்களில் எல்லாம் சமூகத்திற்கு தேவையான நல்ல நல்ல கருத்துக்களை வெளிப்படுத்தும் வகையிலேயே திரைப்படங்களை இயக்கி வருகிறார். ஆனால் முதல் படமே அப்படி இருக்க கூடாது என்பதற்காக முற்றிலும் கமர்ஷியல் படமாக அதை எடுத்தார்.
ஆனால் அந்த படத்திற்காக பிறகு பல பேட்டிகளில் வருத்தப்பட்டுள்ளார் வெற்றிமாறன். இதுக்குறித்து அவர் ஒரு பேட்டியில் கூறும்போது அந்த படத்தில் காமெடி காட்சிகள் மிகவும் கண்றாவியாக இருக்கும். அந்த மாதிரி காமெடி காட்சிகளை வைப்பதில் எனக்கு முதலில் உடன்பாடே இல்லை.
ஆனால் படத்தில் அப்படியான காமெடி காட்சிகள் இருக்க வேண்டும் என தயாரிப்பாளர் ஆசைப்பட்டார். எனவேதான் அப்படியான காட்சிகளை வைக்க வேண்டி இருந்தது என கூறியுள்ளார் வெற்றிமாறன்.
