Thalapathy Vijay : தற்சமயம் தமிழின் டாப் நடிகராக இருந்தாலும் ஆரம்பத்தில் தனது தந்தை எஸ்.ஏ சந்திரசேகர் மூலமாகதான் தமிழ் சினிமாவிற்கு அறிமுகமானார் நடிகர் விஜய். விஜய் தமிழ் சினிமாவிற்கு அறிமுகப்படுத்தும் போது அவரை ஒரு ஜாலியான இளைஞராகத்தான் அறிமுகப்படுத்தினார்.
எஸ்.ஏ சந்திரசேகர் தொடர்ந்து திரைப்படங்களில் நடிகர் விஜய்யை ஒரு பிளேபாய் மாதிரியான கதாபாத்திரத்தில்தான் காண்பித்தார். இது பலரையும் முகம் சுளிக்க வைத்தது என்று கூறலாம். அப்படிப்பட்ட ஒரு நடிகருக்கு மிகவும் வலிமையான ஒரு கதாபாத்திரத்தை கொடுத்தவர் இயக்குனர் விக்ரமன்.
விக்ரமன் திரைப்படத்தில்தான் ஒரு காதல் நாயகனாக பெரும் வெற்றியை கண்டார் விஜய். பூவே உனக்காக திரைப்படத்தில் அவரது வயதுக்கு அதிகமான முதிர்ச்சியை பெற்ற ஒரு நபராக விஜயை காட்டியிருப்பார். அதிலிருந்துதான் விஜய்யின் காதல் திரைப்பட பயணம் தொடங்கியது. நினைத்தேன் வந்தாய், காதலுக்கு மரியாதை, மின்சார கண்ணா போன்ற அவர் நடித்த நிறைய காதல் படங்கள் பெரும் வெற்றியை கொடுத்தன.
ஆனால் அப்படிப்பட்ட படங்களை தயாரித்த இயக்குனர் ஆர்.பி சௌத்ரி தற்சமயம் விஜய்யை வைத்து மீண்டும் ஒரு படம் எடுக்க வேண்டும் என்று வெகு நாட்களாக காத்துக் கொண்டிருக்கிறார். இருந்தாலும் கூட விஜய் அவருக்கு வாய்ப்பே தரவில்லை என்று கூறப்படுகிறது.
இத்தனைக்கும் விஜய் கேட்கும் சம்பளத்தை கொடுப்பதற்கு ஆர்.பி சௌத்ரி தயாராக இருக்கிறாராம். கடந்த மூன்று வருடங்களாக விஜய்யிடம் அவர் வாய்ப்பு கேட்க கூட விஜய் அவருக்கு வாய்ப்பு கொடுக்கவில்லை என்று கூறப்படுகிறது.
