உதவி இயக்குனர்னா கேவலமா போச்சா!.. கண்ணு முன்னாடி நிக்காத!.. கடுப்பான கேப்டன் விஜயகாந்த்!..

Captain Vijayakanth: தமிழ் சினிமாவில் எந்த ஒரு நடிகரும் எதிர்மறையாக பேச முடியாத அளவிற்கு சிறப்பான மனிதராக வாழ்ந்தவர் கேப்டன் விஜயகாந்த். அதுவும் உணவு விஷயத்தில் அனைவருக்கும் வாரி வழங்கும் வள்ளலாகதான் இருந்தார் விஜயகாந்த்.

சினிமாவிற்கு வந்த ஆரம்பக்கட்டத்தில் ஜூனியர் ஆர்ட்டிஸ்ட்டாக சில படங்களில் பணிப்புரிந்தார் விஜயகாந்த். ஜுனியர் ஆர்ட்டிஸ்ட்டுக்கு எல்லாம் எந்த நிலையில் உணவு வழங்குவார்கள் என்பதை சொல்லி தெரிய வேண்டியதில்லை. அந்த மோசமான உணவை உண்டப்போது விஜயகாந்த் ஒரு முடிவெடுத்தார். நல்ல நிலையை அடைந்த பிறகு அனைவருக்கும் நல்ல உணவு அளிக்க வேண்டும்.

அதை அப்படியே செய்தவர் விஜயகாந்த். ஒருமுறை படப்பிடிப்பிற்கு விஜயகாந்தை பார்க்க ஆறு பேர் வந்திருந்தனர். அவர்களுக்கு உணவளித்து அனுப்பி வைத்தார் விஜயகாந்த். அந்த நிறுவனத்தை பொறுத்தவரை படப்பிடிப்பில் எத்தனை நபர்கள் இருக்கிறார்களோ அவர்களுக்கு மட்டும்தான் உணவு இருக்கும். இதனால் உணவு தட்டுபாடு ஏற்பட விஜயகாந்த் நண்பர்களுக்கு உணவளிக்கவா படப்பிடிப்பு நடத்துகிறோம் என கேட்டுள்ளார் தயாரிப்பாளர்.

இந்த விஷயம் விஜயகாந்தின் காதுக்கு சென்றுவிட அதன் பிறகு படப்பிடிப்பு முடியும் வரை அங்கு விஜயகாந்த் உணவு உண்ணவே இல்லையாம். அதே போல ஒரு சம்பவம் கஜேந்திரா திரைப்படத்தின் படப்பிடிப்பிலும் நடந்துள்ளது.

கஜேந்திரா திரைப்படத்தின் படப்பிடிப்பு மிகவும் பொறுமையாக சென்றுக்கொண்டிருந்தது. இயக்குனர் சுரேஷ் கிருஷ்ணாவிற்கு உதவி இயக்குனராக இருவர் பணிப்புரிந்து வந்தனர். அந்த இருவரும் தினமும் மதிய வேளையில் உணவு உண்ணாமல் இருந்துள்ளனர். இந்த விஷயத்தை கவனித்த விஜயகாந்த் அவர்களை அழைத்து என்ன பிரச்சனை என கேட்டுள்ளார்.

படப்பிடிப்பு தாமதமாக நடக்கிறது எல்லாம் சோறு திங்க மட்டும் படப்பிடிப்புக்கு வருகிறீர்களா என உதவி இயக்குனர்களை தயாரிப்பாளர் திட்டியுள்ளார். அது முதல் அவர்கள் அங்கு உணவு உண்ணுவதில்லை. இதை விஜயகாந்திடம் அவர்கள் சொன்னப்போது விஜயகாந்த் கடும் கோபம் கொண்டார். தயாரிப்பாளரை அழைத்து இப்படியெல்லாம் பேச உனக்கு என்ன உரிமை இருக்கு.

இனிமே நானும் இங்கே சாப்பிட மாட்டேன், என் கண் முன்னே நிக்காதீங்க என சத்தம் போட்டார் விஜயகாந்த். பிறகு அவர்கள் மூவருக்கும் மட்டும் தினசரி வீட்டில் இருந்தே உணவு கொண்டு வரப்பட்டது.