Vijayakanth : தமிழ் சினிமா நடிகர்களில் கடைநிலை தொழிலாளர்களுக்கு கூட அதிக உதவிகளை செய்த ஒரு பிரபலமாக பார்க்கப்படுபவர் நடிகர் விஜயகாந்த்.
மற்ற நடிகர்களை போலவே விஜயகாந்த் திரைப்பட பின்புலம் இல்லாமல் உள்ளே வந்து பல கஷ்டங்களை அனுபவித்து பிறகுதான் திரைப்பட நடிகரானார். அதனால் அவரது சமகாலத்தில் அவரைப் போலவே படங்களில் நடிப்பதற்கு முயற்சி செய்து வந்த சத்தியராஜ் சரத்குமார் போன்ற நடிகர்களுடன் நல்ல நட்பில் இருந்தார்.
இத்தனைக்கும் விஜயகாந்த் கதாநாயகன் ஆனபொழுது அவருக்கு போட்டி நடிக்கராக சரத்குமாரும் சத்யராஜும் இருந்தனர் இருந்தும் கூட அவர்களுடன் நட்புடன் தான் இருந்தார் விஜயகாந்த். ஆரம்பத்தில் வாய்ப்பு தேடிக் கொண்டிருந்த பொழுது அவருக்காக பல இடங்களில் வாய்ப்பு கேட்டவர் நடிகர் குள்ளமணி.
குள்ளமணி அப்பொழுது சில திரைப்படங்களில் சின்ன சின்ன கதாபாத்திரங்களில் நடித்து வந்தார். அவர் நடிக்க செல்லும் இடங்களில் எல்லாம் விஜயகாந்திற்காக விஜயகாந்தின் போட்டோவை காண்பித்து இவருக்கு ஏதாவது வாய்ப்பு கொடுங்கள் என்று கேட்டுக் கொண்டிருந்தார்.
அதன் பிறகு விஜயகாந்த் பெரிதாக வளர்ந்த பிறகு தொடர்ந்து அவரது திரைப்படங்களில் குள்ள மணிக்கு வாய்ப்பு கொடுத்தார். எந்த ஒரு படத்தில் கமிட் ஆனாலும் உடனே அதில் குள்ளமணியும் இருக்க வேண்டும் என்று கூறி விடுவார் விஜயகாந்த். அந்த அளவிற்கு நன்றி மறக்காமல் கஷ்டத்தில் தனக்கு உதவியவர்களுக்கு திரும்ப பன்மடங்கு உதவியவர் விஜயகாந்த்.
