Actor Vijayakanth : தமிழ் சினிமாவில் மக்கள் மத்தியில் பிரபலமாக இருக்கும் நடிகர்களில் முக்கியமானவர் நடிகர் விஜயகாந்த். கருப்பான தேகம் கொண்ட நபர்களும் சினிமாவில் பெரும் சாதனையை படைக்க முடியும் என்பதை ரஜினிக்கு பிறகு ஆழமாக நிரூபித்தவர் நடிகர் விஜயகாந்த்.
சினிமாவிற்கு வந்து சில நாட்களிலேயே ரஜினி கமலை விடவும் அதிக வரவேற்பை பெற்றார். அதனை தொடர்ந்து ஒரு வருடத்தில் அதிகமான படங்கள் விஜயகாந்த் நடித்த வந்தார் அப்போதைய கால கட்டத்திலேயே அவர் தொடர்ந்து புது இயக்குனர்களுக்கு அதிக வாய்ப்புகளை அளித்து வந்தார்.
சினிமாவில் பிற்காலத்தில் விஜயகாந்த் அரசியலுக்கு வர ஆசைப்பட்டார் எனவே சினிமாவில் நடிப்பதை குறைத்துக் கொண்டு அரசியலில் ஆர்வம் காட்டத் துவங்கினார். சினிமாவில் நடிக்கும் போதும் கூட பிற்கால படங்களில் அதிகம் அரசியல் பேசும் திரைப்படங்களாகவே நடித்தார்.
இந்த நிலையில் அரசியலுக்கு வந்த விஜயகாந்திற்கு மக்கள் மத்தியில் செல்வாக்கு கிடைத்தது. இருந்தாலும் அவரது உடல்நிலை காரணமாக தொடர்ந்து அரசியலில் நீடிக்க முடியவில்லை. இந்த நிலையில் அரசியலில் இருந்து விலகி சிறிது நாட்கள் உடம்பை பார்த்துக் கொள்வதற்காக மருத்துவமனையில் அனுமதிக்கப்பட்டார் விஜயகாந்த்.
ஆனால் அவரால் பேச முடியாத அளவிற்கு உடல்நிலை மோசமடைந்ததால் பிறகு பெரிதாக வெளியில் அவரை காட்டிக் கொள்ளவில்லை. இந்த நிலையில் அவரது உடல்நிலை தற்சமயம் இன்னும் மோசம் அடைந்திருப்பதாக கூறப்படுகிறது.
மருத்துவமனையில் விஜயகாந்த் சேர்க்கப்பட்டிருக்கிறார். இது குறித்து வெளியான மருத்துவ அறிக்கையில் கூறும் பொழுது முன்பை விட விஜயகாந்த் உடல்நிலையில் நல்ல முன்னேற்றம் காணப்பட்டது. ஆனாலும் 24 மணி நேரத்தில் அவரது உடல்நிலை இன்னும் சீராகவில்லை எனவே அவருக்கு நுரையீரல் சிகிச்சைக்கான உதவி தேவைப்படுகிறது. அவர் பூரண உடல்நலம் பெறுவார் என்று நம்புகிறோம்.
மேலும் இன்னும் 14 நாட்கள் அவர் மருத்துவமனையில் சிகிச்சை பெற வேண்டி இருக்கிறது என்று மியாட் மருத்துவமனையில் இருந்து அறிக்கை ஒன்றை வெளியிட்டு இருக்கின்றனர். இந்த நிலையில் விஜயகாந்தின் ரசிகர்களும் விஜயகாந்திடம் நன்மைகளை பெற்றவர்களும் மிகுந்த வருத்தத்தில் இருக்கின்றனர்.
