Shanmuga Pandiyan: விஜயகாந்திற்கு பிறகு அவரது வாரிசுகளில் சண்முக பாண்டியனுக்கு நடிகர் ஆக வேண்டும் என்பதில் அதிக ஆசை இருந்து வந்தது. ஆனால் அதற்கான வாய்ப்புகளும் வரவேற்புகளும் அவருக்கு கிடைக்கவே இல்லை.
அவரது முதல் திரைப்படமான சகாப்தம் திரைப்படத்தில் கேமியோ கதாபாத்திரத்தில் விஜயகாந்தே வருவார். அதில் விஜயகாந்த் தமிழ் மக்களை நோக்கி கையை காட்டி இனிமே உன்ன நான் பாத்துக்க தேவையில்ல அவங்க பார்த்துப்பாங்க என கூறுவார்.
அப்படியெல்லாம் விஜயகாந்த் நம்பிக்கை வைத்தும் கூட விஜயகாந்தின் மகனுக்கு தமிழ் சினிமாவில் தொடர்ந்து வாய்ப்புகள் கிடைக்கவில்லை. எவ்வளவோ திரை பிரபலங்களுக்கும் ஊழியர்களுக்கும் அவர் உதவி செய்தப்போதும் கூட எந்த ஒரு பெரிய இயக்குனரும் சண்முக பாண்டியனை வைத்து திரைப்படங்கள் இயக்கவில்லை.
இந்த நிலையில் விஜயகாந்தின் இறப்புக்கு பிறகே தமிழ் திரை பிரபலங்களுக்கு சண்முக பாண்டியன் என ஒருவர் இருப்பதே தெரிய துவங்கியுள்ளது. இந்த நிலையில் நடிகர் லாரன்ஸ் ஏற்கனவே இதுக்குறித்து கூறும்போது விஜயகாந்த் சாரின் வீட்டிற்கு நான் சென்றப்போது தனது மகனை ஹீரோவாக்கும்படி அவர் கேட்டுக்கொண்டார்.
அதன்படி அவருடன் நான் சேர்ந்து நடிக்க தீர்மானித்துள்ளேன். எனவே இரட்டை கதாநாயகன் கதை கொண்ட திரைப்படம் இருந்தால் அந்த இயக்குனர்கள் அதை என்னிடம் கூறலாம் நானும் சண்முக பாண்டியனும் அந்த படத்தில் சேர்ந்து நடிப்போம் என கூறியிருந்தார் லாரன்ஸ்.
பிறகு விஜயகாந்த் நினைவேந்தலில் பேசிய நடிகர் விஷாலும் அடுத்து சண்முக பாண்டியன் நடிக்கும் படத்தில் அவருடன் சேர்ந்து நடிக்க போவதாக கூறியிருந்தார். இந்நிலையில் தற்சமயம் லாரன்ஸ் மற்றும் சண்முக பாண்டியன் இணைந்து நடிப்பது உறுதி செய்யப்பட்டுள்ளது.
படைத்தலைவன் என்கிற திரைப்படத்தில் தற்சமயம் சண்முக பாண்டியன் நடித்து வருகிறார். இந்த திரைப்படத்தில் சண்முக பாண்டியனுடன் சேர்ந்து லாரன்ஸும் நடிக்கிறார். விரைவில் இந்த திரைப்படம் திரைக்கு வரும் என எதிர்பார்க்கப்படுகிறது. லாரன்ஸ் தான் சொன்ன சொல்லை உடனே காப்பாற்றிவிட்டார். விஷால் எப்போது சண்முக பாண்டியனுடன் சேர்ந்து நடிக்க போகிறார் என்பதே தற்சமயம் கேள்வியாக உள்ளது.
