Director Pa Ranjith : தமிழில் விழிப்புணர்வு திரைப்படங்களை இயக்கும் இயக்குனர்களில் முக்கியமானவர் இயக்குனர் பா.ரஞ்சித் இvar இயக்கும் திரைப்படங்கள் பொதுமக்கள் மத்தியில் நல்ல வரவேற்பை பெரும் கதைகளாக இருக்கும்.
அதே சமயம் அந்த கதைகளுக்குள் சில முக்கியமான அரசியலையும் அவர் பேசியிருப்பார். உதாரணமாக கபாலி திரைப்படத்தில் சிங்கப்பூரில் பண்ணை அடிமை முறையில் வாழ்ந்த மக்களின் வாழ்க்கையை நிறைய காட்சிப்படுத்தி இருப்பார்.
WhatsApp
Facebook
X
Threads
Instagram
நடிகர் மணிகண்டன் ஜெய் பீம் திரைப்படத்தில் நடிப்பதற்கு முன்பே காலா திரைப்படத்தில் ரஜினிக்கு மகனாக நடித்திருப்பார். எனவே இயக்குனர் பா.ரஞ்சித்துடன் பணிபுரிந்த அனுபவம் அவருக்கு உண்டு. இந்த நிலையில் அதற்குப் பிறகு மணிகண்டனுக்கு பா.ரஞ்சித் எந்த திரைப்படத்திலும் வாய்ப்புகள் கொடுக்கவில்லை.
வாய்ப்பளிக்காத ரஞ்சித்:
ஆனால் ஜெய் பீம், குட் நைட் என்று நிறைய நல்ல படங்களில் அதற்குப் பிறகு மணிகண்டன் நடித்து விட்டார். ஏன் மணிகண்டனுக்கு இந்த வாய்ப்புகள் கிடைக்கவில்லை என்று ஒரு பேட்டியில் அவரிடம் கேட்கப்பட்டது. அப்போது பேசிய மணிகண்டன் கூறும் பொழுது நான் பார்த்த படங்களில் மிகவும் ரசித்து பார்த்த திரைப்படங்கள் பா.ரஞ்சித்தின் திரைப்படங்கள் தான்.
அதிலும் முக்கியமாக சார்பாட்டா பரம்பரை எனக்கு மிக மிக பிடித்த திரைப்படம் எனக் கூறலாம். அந்த திரைப்படத்தை பார்த்து முடித்த பிறகு நான் கோபமாக ரஞ்சித் அண்ணாவிற்கு ஃபோன் செய்தேன். ஏன் எனக்கு சார்பட்டா பரம்பரை படத்தில் ஒரு கதாபாத்திரம் கூட கொடுக்கவில்லை அப்படி கொடுத்திருந்தால் நன்றாக இருந்திருக்கும் என்று கேட்டேன்.
ஆனால் பா ரஞ்சித்தை பொருத்தவரை அவர் ஒரு கதாபாத்திரத்திற்கு நாம் தகுதியாக இருந்தால் மட்டும்தான் நமக்கு அந்த வாய்ப்பை கொடுப்பார். நமக்காக வேண்டி அந்த படத்தில் ஒரு கதாபாத்திரத்தை உருவாக்க மாட்டார் என்று கூறியிருந்தார்.
கிட்டத்தட்ட அவர் கூறியது லோகேஷ் கனகராஜை கூறியது போலதான் இருந்தது. ஏனெனில் லோகேஷ் கனகராஜ் அவர்களின் படத்திற்கு யார் வாய்ப்பு தேடி வந்தாலும் அவர்களுக்கு என்று ஒரு கதாபாத்திரத்தை படத்தில் வைத்து விடுவார். அவர்களுக்கு வாய்ப்பு கொடுத்து விடுவார் ஆனால் பா.ரஞ்சித்தை பொறுத்தவரை அந்த படத்திற்கு அந்த கதாபாத்திரம் தேவையாக இருந்தால் மட்டுமே வைப்பார் என்று கூறுகிறார் மணிகண்டன்.
