மல்யுத்த வீரனாக களம் இறங்கும் அருண் விஜய்!.. எஸ்.கே பட இயக்குனர்தான் இயக்குகிறார்!.

சமீப காலங்களாக நடிகர் அருண் விஜய்க்கு ஓரளவு நல்ல படங்களாக அமைந்து வருகின்றன. கதை தேர்ந்தெடுக்கும் விதத்தில் கொஞ்சம் கவனமாக இருப்பதால் நல்ல வெற்றி பெறும் கதைகளை தேர்ந்தெடுத்து நடித்து வருகிறார் அருண் விஜய்.

அப்படி அவர் தற்சமயம் நடித்து வரும் திரைப்படம் வணங்கான் இந்த திரைப்படத்தை இயக்குனர் பாலா இயக்கி வருகிறார். பொதுவாக பாலா இயக்குகிறார் என்றாலே அந்த திரைப்படத்திற்கு ஒரு எதிர்பார்ப்பு தானாகவே வந்துவிடும்.

அப்படியாக அந்த படத்திற்கும் எதிர்பார்ப்பு இருந்து வருகிறது. மேலும் அந்த படத்தில் ஒரு கையில் சாமியையும் இன்னொரு கையில் பெரியாரையும் வைத்திருக்கிறார் அருண் விஜய். அது இன்னமும் எதிர்பார்ப்பை தூண்டும் விதத்தில் உள்ளது.

இந்நிலையில அடுத்து அருண் விஜய் நடிக்கும் படத்தின் அப்டேட் தற்சமயம் வெளியாகியுள்ளது. இந்த திரைப்படத்திற்கு ரெட்ட தல என பெயர் வைக்கப்பட்டுள்ளது. இந்த படத்தை இயக்குனர் க்ரிஸ் திருக்குமரன் இயக்குகிறார்.

இவர் ஏற்கனவே மான் கராத்தே கெத்து ஆகிய இரண்டு திரைபடங்களை இயக்கியிருக்கிறார். சாம் சி.எஸ் இந்த படத்திற்கு இசையமைக்கிறார். இந்த படத்தின் போஸ்டரை நடிகர் விஷ்ணு விஷால் தற்சமயம் சமூக வலைத்தளத்தில் வெளியிட்டுள்ளார்.