மத்த படம்னா ஒத்துக்க மாட்டாங்க!.. ஆனா என் படத்துல ஒத்துப்பாங்க!.. துணிந்து பாரதிராஜா வைத்த க்ளைமேக்ஸ்!.

தமிழ் சினிமாவில் இயக்குனர்களின் இமயம் என்று அழைக்கப்படுபவர் இயக்குனர் பாரதிராஜா. அவரது முதல் படத்தில் துவங்கி தமிழ் சினிமாவில் எப்போதுமே மாறுபட்ட திரைப்படங்களை எடுத்துக் கொண்டுள்ளார் பாரதிராஜா.

தனது முதல் படமான 16 வயதினிலே திரைப்படத்திலேயே எதற்கும் பயப்படாமல் புதுவித சினிமாவை கையாண்டிருப்பார் பாரதிராஜா. அதில் சண்டை காட்சிகளோ அல்லது கமர்சியல் காட்சிகளோ இருக்காது. படம் முழுக்க முழுக்க பாரதிராஜா எப்படி ஆசைப்பட்டாரோ அப்படியே வந்திருக்கும்.

அந்த படத்திற்கும் நல்ல வரவேற்பு கிடைத்தது. அதனை அடுத்து பாரதிராஜா இயக்கும் அனைத்து திரைப்படங்களிலும் ஒரு பெரும் தைரியத்தோடு அவருக்கு பிடித்த மாதிரியே எடுத்து வந்தார்.

இந்த நிலையில் அவர் பொம்மலாட்டம் என்கிற திரைப்படத்தை இயக்கி வந்த பொழுது அவரது மகனான மனோஜ் பாரதிராஜா அவரிடம் பேசும் பொழுது இந்த படத்தின் கிளைமாக்ஸ் மக்கள் ஏற்றுக் கொள்ளும்படி இல்லையே இந்த படம் ஓடுமா என்று பயந்து கேட்டுள்ளார்.

அப்பொழுது பாரதிராஜா மனோஜிடம் படத்தை வேறு இயக்குனர்கள் எடுத்தால் இந்த கிளைமாக்ஸிற்கு படம் ஓடுவது கடினம்தான். ஆனால் இது பாரதிராஜா படம் என்னும் பொழுது கண்டிப்பாக இந்த படம் ஓடும் என்று நம்பிக்கையுடன் கூறியிருக்கிறார் பாரதிராஜா. இது குறித்து மனோஜ் கூறும்பொழுது அப்படி ஒரு நம்பிக்கையை தமிழ் மக்கள்தான் பாரதிராஜாவிற்கு கொடுத்தனர் என்று கூறுகிறார்.