அஞ்சான் தோல்வி படமே கிடையாது… டார்கெட் பண்ணி அடிச்சாங்க!.. உண்மையை கூறிய இயக்குனர்!.

முதல் படமே பெரிய படமாக எடுத்து தமிழ் சினிமாவில் இயக்குனராக அறிமுகமானவர் இயக்குனர் லிங்குசாமி. லிங்குசாமியின் முதல் திரைப்படம் ஆனந்தம் திரைப்படமாகும். கிட்டத்தட்ட விக்ரமன் பாணியிலேயே லிங்குசாமி எடுத்த ஒரு திரைப்படம் இது. ஆனால் அந்தத் திரைப்படம் எதிர்பார்த்த வரவேற்பை பெறவில்லை.

இருந்தாலும் அதனை தொடர்ந்து லிங்குசாமி நிறைய தமிழில் ஹிட் படங்களை கொடுத்துள்ளார். அதில் முக்கியமான திரைப்படம் பையா. காரில் செல்லும் பயணத்தை கதையாகக் கொண்டு எடுத்த அந்த திரைப்படம் லிங்குசாமிக்கு பெரும் வெற்றியை கொடுத்தது.

அதேபோல அவர் இயக்கிய சண்டைக்கோழி திரைப்படம் தமிழ் சினிமாவில் பெரிதாக பேசும் ஒரு திரைப்படமாக அமைந்தது. லிங்குசாமி மிகவும் கஷ்டப்பட்டு வெகுநாட்கள் போராடி எடுத்த திரைப்படம் அஞ்சான். சூர்யா கதாநாயகனாக நடித்து வெளியான இந்த திரைப்படம் எதிர்பார்த்த வெற்றியை பெறவில்லை என்று அப்போதே பேச்சுக்கள் இருந்தன.

ஆனால் அதற்கு முன்பு பேட்டியில் பேசிய லிங்குசாமி தான் இதுவரை இயக்கிய திரைப்படங்களிலேயே அஞ்சான் திரைப்படம்தான் சிறப்பானதாக இருக்கும் என்று பேசி இருந்தார். ஆனாலும் அப்படியான ஒரு வரவேற்பை அது மக்கள் மத்தியில் பெறவில்லை. அதனை தொடர்ந்து அந்த திரைப்படத்திற்கு தொடர்ந்து எதிர்மறையான விமர்சனங்கள் வந்த வண்ணம் உள்ள இருந்தன.

ஆனால் இது குறித்து இடையில் ஒரு பேட்டியில் பேசியிருந்தார் லிங்குசாமி. அதில் அவர் கூறும் பொழுது உண்மையில் அஞ்சான் படம் அப்படி ஒரு தோல்வியை அடையவே இல்லை. முதல் மூன்று நாட்கள் தமிழ் சினிமாவிலேயே எந்த படமும் கொடுக்காத அளவிலான ஒரு வசூலை அஞ்சான் திரைப்படம் கொடுத்தது.

அதற்குப் பிறகு கூட அது ஒரு சுமாரான வெற்றியை கொடுத்ததே தவிர நஷ்டத்தை அந்த படம் கொடுக்கவே இல்லை. இருந்தாலும் அதை ஒரு தோல்வி படமாக சித்தரித்து அனைவரும் எழுதினார்கள். இதை திட்டமிட்டு செய்தார்களா இல்லை எதற்காக செய்தார்கள் என்று எனக்கே தெரியவில்லை என்று கூறியுள்ளார் லிங்குசாமி.