Tamil Director Shankar: தமிழில் நிறைய ஹிட் படங்களை கொடுத்து பெரும் உயரத்தை தொட்டவர் இயக்குனர் சங்கர். தெலுங்கில் எப்படி பெரும் பட்ஜெட்டில் இயக்குனர் ராஜமௌலி திரைப்படம் இயக்குகிறாரோ, அதேபோல தமிழ் சினிமாவில் ஒரு ராஜமௌலியாக வலம் வருபவர் சங்கர்.
அவரது முதல் திரைப்படமான ஜென்டில்மேனில் தொடங்கி அனைத்து திரைப்படங்களுமே பெரும் பட்ஜெட் திரைப்படம்தான். தற்சமயம் இந்தியன் 2 திரைப்படத்தை இயக்கி வருகிறார் சங்கர். சங்கரிடம் ஒரு நல்ல குணம் உண்டு சின்ன பட்ஜெட்டில் நல்ல கதையை யாராவது ஒருவர் வைத்திருந்தால் அவர்களுக்கு தயாரிப்பாளராக சங்கர் இருப்பது வழக்கமாகும்.
23ஆம் புலிகேசி திரைப்படத்திற்கு கூட சங்கர்தான் தயாரிப்பாளராக இருந்தார். இந்த நிலையில் அவரிடம் கதையை சொல்லலாம் என்று நினைத்த இயக்குனர் பாண்டிராஜ் பசங்க திரைப்படத்தின் கதையை சங்கரிடம் கூறினார். ஆனால் சங்கருக்கு அந்த கதையில் விருப்பமில்லை.
இந்த கதையை தயாரிப்பது கொஞ்சம் ரிஸ்க் இந்த படம் ஓடுமா என எனக்கு கண்டிப்பாக தெரியவில்லை எனவே நான் இந்த படத்தை தயாரிக்க முடியாது என கூறினார். ஆனால் அதற்கு நேர் மாறாக பசங்க திரைப்படம் வெளியாகி பெரும் ஹிட் கொடுத்தது சில சமயங்களில் பெரும் இயக்குனர்களின் யூகங்கள் கூட தவறாகப் போகும் என்பதற்கு இந்த நிகழ்வு உதாரணமாக இருக்கிறது.
