பத்து பொன்னியின் செல்வனுக்கு சமம்.. வேள்பாரி வேலையில் இறங்கிய ஷங்கர்.. எல்லோரும் அந்த படத்துக்கு வெயிட் பண்ண என்ன காரணம் தெரியுமா?.

Velpari is a tribal leader mentioned in many places in Sangam literature. Director Shankar is soon going to make the story of Velpari into a movie.

பொன்னியின் செல்வனை விடவும் தற்சமயம் அதிகமாக மக்கள் எதிர்பார்க்கும் ஒரு திரைப்படமாக வேள்பாரி திரைப்படம் இருக்கிறது. அப்படி என்ன இந்த வேள்பாரி படத்தில் இருக்கிறது என்பது பலரது கேள்வியாக இருக்கிறது.

எழுத்தாளர் சு வெங்கடேசன் எழுதிய வீரயுக நாயகன் வேள்பாரி என்கிற நாவலின் தழுவல் தான் இந்த திரைப்படம். அந்த நாவலை படித்த பலருக்குமே ஏன் இப்படியான ஒரு காத்திருப்பு இந்த படத்திற்கு உள்ளது என்று தெரிந்திருக்கும்.

வேள்பாரி என்பவர் சேர சோழர் பாண்டியர் போன்ற ஒரு பெரிய பேரரசன் எல்லாம் கிடையாது. பரம்பு மலை என்கிற ஒரு மலையை ஆட்சி செய்த ஒரு குறுநில தலைவர் என்று தான் கூற வேண்டும். மன்னர் என்கிற முறை இருப்பதற்கு முன்பு ஒவ்வொரு குழுவுக்கும் ஒரு தலைவர்கள் இருந்திருப்பார்கள்.

வேள்பாரி கதை:

அப்படியாக பரம்பு மலை வேளிர் மக்களுக்கு தலைவனாக இருந்தவர் தான் வேள்பாரி. ஆனாலும் கூட அப்படிப்பட்ட வேள்பாரி வரலாற்றில் பல இடங்களில் பதிவு செய்யப்பட்டுள்ளார், கடையெழு வள்ளல்களில் வேள்பாரியும் ஒருவராக இருக்கிறார்.

அதேபோல அவ்வையார் வேள்பாரி பற்றி கூறும் பொழுது மூவேந்தர்களும் சேர்ந்து போனால்தான் வேள்பாரியை தோற்கடிக்க முடியும் என்று கூறுகிறார். அந்த அளவிற்கு பேரரசுகளையே பயப்பட வைத்த ஒரு மன்னராக இருந்தார் என்றால் வேள்பாரி எப்படிப்பட்டவராக இருப்பார் என்பதை தான் அந்த நாவல் பேசுகிறது.

எனவே பொன்னியின் செல்வனை விடவும் சிறப்பான ஒரு படமாக வேள்பாரி இருக்கும் என்று நம்பப்படுகிறது. கொரோனா காலகட்டங்களில் வேள்பாரியின் கதையை முழுமையாக படித்த இயக்குனர் ஷங்கர் அந்த  கதையை படமாக்குவதற்கான உரிமையை வாங்கிவிட்டார்.

மேலும் வேள்பாரி படத்தை மூன்று பாகமாக எழுத திட்டமிட்டு இருக்கிறார் ஷங்கர் அந்த மூன்று பாகத்திற்கான திரைக்கதை வேலைகளையும் முழுவதுமாக முடித்துவிட்டார். இந்த நிலையில் கேம் சேஞ்சர் திரைப்படம் முடிந்தவுடன் வேள்பாரியின் படப்பிடிப்பை துவங்க இருக்கிறார் ஷங்கர் என்று கூறப்படுகிறது