எந்தா சாரே நியாயமா இது!.. வில்லனை விட தமன்னாவுக்கு அதிக சம்பளம்.. ஜெயிலரில் ஏமாற்றிய இயக்குனர்..

Jailer: தமிழ் சினிமாவில் தற்சமயம் வெளிவந்த திரைப்படங்களில் பெரும் வசூல் சாதனை செய்த திரைப்படம் ஜெயிலர். ஜெயிலர் படத்தின் வெற்றி மொத்த இந்திய அளவிலும் அதிகமாக பேசப்பட்டது. படத்தில் வில்லனாக நடித்த நடிகர் விநாயகன் சிறப்பான நடிப்பை வெளிப்படுத்தியிருந்தார்.

நடிகர் விநாயகன் இயக்குனர் நெல்சனுடன் ஏற்கனவே பழக்கத்தில் இருந்தார். எனவே இந்த படத்தில் வாய்ப்பு என்றதுமே நடிக்க வந்துவிட்டார். படத்தில் அவரது அசாத்திய நடிப்பும் படத்தின் வெற்றிக்கு பக்க பலமாக இருந்தது.

ஆனால் சம்பள அளவில் பார்க்கும்போது விநாயகனுக்கு குறைவான சம்பளமே கொடுக்கப்பட்டுள்ளது. மலையாள நடிகர்களை பொறுத்தவரை அவர்களுக்கு எப்போதும் சம்பளம் குறைவாகதான் இருக்கும். ஆனால் தமிழ் சினிமாவில் அவர்கள் நடிக்கும்போது அதற்கு ஏற்ற அளவில் சம்பளம் தர வேண்டும்.

நடிகர் விநாயகனுக்கு ரூபாய் 25 லட்சம் சம்பளமாக கொடுத்துள்ளனர். ஆனால் ஒரு பாடலுக்கு மட்டும் வந்த தமன்னாவிற்கு 4 கோடி ரூபாய் சம்பளம் கொடுத்துள்ளனராம். இது தவறு என கருத்து தெரிவித்து வருகின்றனர் நெட்டிசன்கள்.