40 லட்சம் ரூபாய் எடுத்துட்டு வந்தான்!.. நான் சொன்னதை கேட்கலை!. இப்ப என்ன நிலைமைல இருக்கான் தெரியுமா!. பருத்திவீரன் சரவணன்!.

நடிகர் சரவணன் பல காலங்களாகவே தமிழ் சினிமாவில் நடிகராக இருந்து வருகிறார். ஆரம்பத்தில் நிறைய படங்களில் இவர் கதாநாயகனாக நடித்துள்ளார். 1991 இல் வெளியான வைதேகி வந்தாச்சு திரைப்படம் மூலமாக இவர் அறிமுகமானார்.

அதன் பிறகு பொண்டாட்டி ராஜ்ஜியம், பெற்றெடுத்த பிள்ளை என வரிசையாக குடும்ப படங்களாகவே நடித்தார். 1997 சமயங்களில் இவருக்கு சினிமாவில் வாய்ப்புகள் குறைய துவங்கின. அதன் பிறகு 2007 ஆம் ஆண்டு வந்த பருத்திவீரன் திரைப்படம் அவருக்கு ஓரளவு வரவேற்பை பெற்று கொடுத்தது.

இவர் ஒரு பேட்டியில் கூறும்போது குறைந்த காசை வைத்துக்கொண்டு சினிமாவில் படம் எடுக்கிறேன் என வரவே கூடாது என கூறுகிறார். ஒருமுறை எனக்கு தெரிந்த பையன் ஒருவன் கையில் மஞ்சள் பையில் 40 லட்சத்தோடு வந்து படம் எடுக்க போகிறேன் என நின்றான்.

அப்போதே அவனிடம் நான் இந்த பணத்தை வைத்து இடம் அல்லது வீடு வாங்கி போடு. சும்மா சினிமாவில் செலவு செய்யாதே என்றேன். ஆனால் நான் அவனை சினிமாவிற்கு வராமல் தடுக்கிறேன் என நினைத்துக்கொண்டு ஒரு படத்தை தயாரித்தான்.

அந்த படத்திற்கு கிட்டத்தட்ட 1.50 கோடி செலவானது. அதை வைத்து கொஞ்சம் பெரிய தயாரிப்பாளர் ஆனான். பிறகு சில படங்கள் தோல்வியை கண்டதை அடுத்து கையில் பணம் இல்லாமல் விநியோகஸ்தர் ஆனான். இப்போது ஒரு திரையரங்கு கட்டி நல்ல நிலையில் இருக்கிறான். ஆனால் இந்த நிலையை அடைவதற்குள் பெரும் பாடு பட்டுவிட்டான்.

இந்த நிலையில் ஒருமுறை என்னை சந்தித்தப்போது அன்றைக்கே நீங்கள் சொன்ன பேச்சை கேட்டிருந்தால் எனக்கு இவ்வளவு அவதி இல்லை என்றான் எனவே குறைந்த அளவு பணம் உள்ளவர்கள் சினிமாவில் படம் தயாரிப்பது பற்றி யோசிக்காதீர்கள் என்கிறார் பருத்திவீரன் சரவணன்.