தலைவருக்கு இன்னமும் மவுசு கொறையலை.. ரஜினிக்கு பயந்து பட தேதியை மாற்றிய கமல்!..

Rajinikanth and Kamalhaasan: இந்த வருடம் வெளிவந்த திரைப்படங்களிலேயே அதிக வசூல் கொடுத்த திரைப்படமாக நடிகர் ரஜினிகாந்த் நடித்த ஜெயிலர் திரைப்படம்தான் இருக்கிறது. அதன் வெற்றியை தொடர்ந்து அடுத்து ரஜினிகாந்த் நடித்து வரும் திரைப்படம் வேட்டையன்.

வேட்டையன் திரைப்படத்தை பொறுத்தவரை அந்த திரைப்படத்தை ஜெய்பீம் திரைப்படத்தை இயக்கிய இயக்குனர் த.செ ஞானவேல் இயக்குவதால் அந்த படத்திற்கு வரவேற்பு அதிகரித்து வருகிறது. நிச்சயமாக இந்த திரைப்படம் வெறும் கமர்ஷியல் திரைப்படமாக மட்டும் இல்லாமல் சமூகத்திற்கு முக்கியமான கருத்தை சொல்லும் படமாக இருக்கும் என எதிர்பார்க்கப்படுகிறது.

இந்த படத்தின் முக்கால்வாசி படப்பிடிப்பு ஏற்கனவே முடிந்துவிட்டதாக கூறப்படுகிறது. ஜனவரிக்குள் படப்பிடிப்பை முடித்துவிட்டு அடுத்து படத்தின் டப்பிங் வேலைகளை துவங்க உள்ளதாக கூறப்படுகிறது. எனவே ஏப்ரல் மாதத்தில் வேட்டையன் திரைப்படத்தை வெளியிட திட்டமிட்டுள்ளனர்.

இந்த நிலையில் ஏற்கனவே ஏப்ரலில் இந்தியன் 2 திரைப்படத்தை வெளியிட திட்டமிட்டிருந்தனர். ஆனால் ரஜினியின் வேட்டையன் திரைப்படம் அந்த மாதத்தில் வெளியாக இருப்பதால் இந்தியன் 2 திரைப்படத்தை ஜூன் மாதத்திற்கு மாற்றியுள்ளனராம்.

இப்போதும் ரஜினியின் படத்தோடு போட்டி போட மற்ற இயக்குனர்கள் பயப்படும் அளவில் அவர் வளர்ந்திருப்பதே அதற்கு காரணமாக உள்ளது.