இந்த காரணத்தால்தான் நான் கேப்டன் மரணத்திற்கு வரலை.. இதெல்லாம் ஒரு காரணமா!.. நெட்டிசன்களிடம் சிக்கிய எஸ்.ஏ சந்திரசேகர்..

Director SA Chandrasekar : விஜயகாந்திடம் அதிக நட்பாக இருந்த திரை பிரபலங்களில் மிகவும் முக்கியமானவர் இயக்குனர் எஸ்.ஏ சந்திரசேகர். உதவி இயக்குனராக் இருந்த எஸ்.ஏ சந்திரசேகர் இயக்குனராக இருந்தப்போது அவருக்கு அதிக வாய்ப்புகள் கொடுத்தவர் விஜயகாந்த்.

அதே போல அவரது மகன் விஜய் சினிமாவிற்கு வரவேண்டும் என ஆசைப்பட்டப்போது அவரது முதல் படமான நாளைய தீர்ப்பில் நடித்தப்போது அந்த படம் தோல்வியடைந்தது. அதனை தொடர்ந்து அவரை வளர்த்துவிடுவதற்காக விஜயகாந்த் விஜய்யுடன் சேர்ந்து செந்தூர பாண்டி என்கிற திரைப்படத்தில் நடித்தார்.

இவ்வளவு உதவிகளை செய்த விஜயகாந்தின் இறப்பு நடந்தப்போது அவரை நேரில் காண எஸ்.ஏ சந்திரசேகர் வரவில்லை. அன்று காலையிலேயே கேப்டன் இறந்துவிட்ட செய்தி எங்கும் பரவிய பிறகும் கூட துபாயில் தான் உல்லாசமாக இருந்து வருவதை தனது எக்ஸ் தளத்தில் பதிவு செய்திருந்தார் எஸ்.ஏ சந்திரசேகர்.

இந்த நிலையில் நெட்டிசன்களிடம் அதிக விமர்சனத்திற்கு உள்ளானவர் பிறகு மதிய அளவில் விஜயகாந்திற்கு இரங்கல் தெரிவித்திருந்தார். இந்த நிலையில் விஜயகாந்தின் சமாதியில் வந்து கண்ணீர் விட்ட எஸ்.ஏ சி கூறும்போது இவ்வளவு நாள் உயிருடன் இருக்கும்போது அவரை பார்க்க வாய்ப்பு கிடைக்கவில்லை.

இறந்த பிறகு அந்த இறந்த உடலை பார்ப்பதற்கு எனக்கு மனமில்லை அதனால்தான் நான் வரவில்லை என கூறியிருந்தார். இதெல்லாம் ஒரு காரணமா? உங்களுக்கு நெருங்கிய உறவினர்களுக்கு நேர்ந்தாலும் இப்படிதான் பார்க்காமல் போய்விடுவீர்களா என இதற்கு எதிர்ப்பு தெரிவித்து வருகின்றனர் மக்கள்.