சரக்கு க்ளாஸை கழுவுனியா இல்லையா!.. உதவி இயக்குனரை ஓடவிட்ட எஸ்.ஜே சூர்யா…

தற்சமயம் மக்கள் மத்தியில் அதிக வரவேற்பை பெற்று வரும் நடிகர்களில் எஸ்.ஜே சூர்யா முக்கிய இடத்தை பிடித்து வருகிறார். அதுவும் மாநாடு, ஸ்பைடர் போன்ற திரைப்படங்களில் அவர் நடித்த வில்லன் கதாபாத்திரத்திற்கு மக்கள் மத்தியில் நல்ல வரவேற்பு கிடைத்தது.

தற்சமயம் மார்க் ஆண்டனி திரைப்படத்திலும் அவரது கதாபாத்திரத்தை வெகுவாக கொண்டாடுகின்றனர் மக்கள். மார்க் ஆண்டனி திரைப்படத்தில் எஸ்.ஜே சூர்யா மது அருந்துவது போன்ற காட்சி படமாக்கப்பட்டு கொண்டிருந்தப்போது நடந்த சம்பவம் ஒன்றை இயக்குனர் ஒரு பேட்டியில் பகிர்ந்திருந்தார்.

அந்த காட்சிக்காக புது க்ளாஸ் வாங்கியிருந்தனர். உதவி இயக்குனர் அதை எஸ்.ஜே சூர்யாவிடம் கொண்டு போய் வைத்தனர். அதை பார்த்த எஸ்.ஜே சூர்யா இந்த க்ளாஸை கழுவுனியா இல்லையா என கேட்டுள்ளார். அதற்கு உதவி இயக்குனர் சார் இது புது க்ளாஸ் சார் என கூறியுள்ளார்.

அதை கேட்டு கடுப்பான எஸ்.ஜே சூர்யா அப்ப இதை நீ கழுவலையா என கேட்டுள்ளார். அதிர்ச்சியடைந்த உதவி இயக்குனர் சமாளிப்பதற்காக கழுவுன க்ளாஸ்தான் சார் என கூறியுள்ளார். அப்புடினா இது புது க்ளாஸ் இல்லையா என எஸ்.ஜே சூர்யா கேட்க அதற்கு பிறகு அந்த உதவி இயக்குனர் எஸ்.ஜே சூர்யா பக்கமே வரவில்லையாம்.