பல முன்னணி நடிகர்களுக்கு ஜோடியாக நடித்து திரையுலகை கலக்கி வரும் தமனாவிற்கு, காவாலா பாடலுக்கு பிறகு மவுஸ் மேலும் கூடியுள்ளது. தமிழ் மட்டுமல்லாமல் தெலுங்கு, இந்தி மொழி படங்களிலும் நடித்து வரும் இவர், திலீப் படத்தின் மூலம் கடந்த ஆண்டு மலையாள திரையுலகிலும் நுழைந்து விட்டார்.
இப்படி, பல மொழி படங்களிலும் கமிட்டாகி பிசியாக நடித்து வரும் தமன்னா, தற்போது தனது சம்பளத்தை உயர்த்தியுள்ளதாக தகவல்கள் வெளியாகியுள்ளன.
தனது மெல்லிய உடலை வளைத்து நெளித்து ஆடி ரசிகர்களின் மனதை கவரும் தமனா, கடந்தாண்டு வெளியான ரஜினியின் ‘ஜெயிலர்’ படத்தில் ஒரு பாடலுக்கு நடனம் ஆடி பட்டித்தொட்டி எங்கும் ரசிகர்களை குத்தாட்டம் போட வைத்தார்.
ஒரே ஒரு பாடலில் மட்டும் வந்தாலும் ‘ஜெயிலர்’ படத்தை விட, அப்படத்தில் வரும் இந்த காவாலா பாடல் சர்வதேச அளவில் டிரெண்ட் ஆனது. இதற்கு ரீல்ஸ் செய்யாத நெட்டிசன்களே இல்லை என்னும் அளவிற்கு இணையத்தையும் கலக்கியது இந்த காவாலா.
இப்பாடலின் வாயிலாக அமோக வரவேற்பை பெற்றதால் தனது சம்பளத்தை தாறுமாறாக தமன்னா உயர்த்தியுள்ளதாக வலைப்பேச்சு பிஸ்மி தகவலை பகிர்ந்துள்ளார். ஒரு படத்திற்கு ரூ. 5 கோடி அளவிற்கு தனது சம்பளத்தை தமன்னா உயர்த்தியுள்ளதாக இவர் கூறியுள்ளார்.
மேலும் இதற்கு காரணம் என்னவென்று பார்க்கும்போது ஜெயிலர் திரைப்படத்தின் வெற்றிக்கே தனது பாடல்தான் காரணம் என்கிறாராம் தமன்னா. இது இணையத்தில் சர்ச்சையை கிளப்பியுள்ளது.
