இந்த மாதிரி படங்கள்தான் பிரச்சனையே!.. பெரிய ஹீரோக்கள் படத்தால் கடுப்பான தங்கர் பச்சன்!..

பெரும் நடிகர்களின் படங்கள் சினிமா மார்க்கெட்டில் சிறு நடிகர்கள் படத்தை வெகுவாக பாதிக்கின்றன. ஏனெனில் திரையரங்குகளில் அனைத்தும் பெரும் கதாநாயகர்களின் திரைப்படங்களுக்கே முன்னுரிமை கொடுக்கின்றன. இதனால் அப்போது வெளியாகும் சின்ன படங்களுக்கு வாய்ப்பு கிடைக்காமல் போகிறது.

இதற்கு பொதுமக்களும் ஒரு வகையில் காரணமாக இருக்கின்றனர். பொதுமக்கள் பெரும் நடிகர்களின் திரைப்படங்களுக்கு அதிக வரவேற்பு கொடுப்பாதாலேயே திரையரங்குகளும் இப்படி செய்கின்றன. இந்த நிலையில் இதனால் கடுப்பான இயக்குனர் தங்கர் பச்சன் ஒரு பேட்டியில் தனது ஆதங்கத்தை வெளிப்படுத்தியுள்ளார்.

தற்சமயம் இவர் கருமேகங்கள் கலைகின்றன என்கிற திரைப்படத்தை இயக்கி வெளியிட்டிருந்தார். இதுக்குறித்து அவர் கூறும்போது ஒரு பெரிய ஹீரோ படத்தை 800 திரையரங்குகளில் வெளியிடுகிறார்கள். ஒருவேளை மக்களுக்கு அந்த படம் பிடிக்கவில்லை என்றாலும் கூட அவர்கள் பார்ப்பதற்கு வேறு ஏதும் படங்கள் இருப்பதில்லை.

இப்படி அவர்கள் அனைவரையும் அந்த படத்தை பார்க்க வைத்து வசூல் செய்துவிட்டு பெரும் வசூல் சாதனை படைத்ததாக கூறுகிறார்கள். சின்ன படம் எடுப்பவர்களுக்கு திரையரங்குகளே கிடைப்பதில்லை. அப்போ நாங்க எல்லாம் என்ன செய்வது என கேள்வி எழுப்பியுள்ளார் இயக்குனர் தங்கர்பச்சன்.