வேட்டையன் மாதிரி பண்ணிடாதீங்க!.. கூலி படக்குழுவுக்கு புது ஆர்டர்.. வழக்கத்தை கை விட்ட சூப்பர் ஸ்டார்!..

ஜெயிலர் திரைப்படத்தின் வெற்றியை தொடர்ந்து அடுத்து ரஜினிகாந்த் நடித்து வரும் திரைப்படம் வேட்டையன். ஒரு வருடத்திற்கு முன்பே வேட்டையன் திரைப்படத்தின் படப்பிடிப்பு துவங்கியது. இந்த திரைப்படத்தை ஜெய் பீம் படத்தை இயக்கிய இயக்குனர் தா.செ ஞானவேல் இயக்கி வந்தார்.

ஆனால் கிட்டத்தட்ட ஒரு வருடமாக இந்த படத்தின் படப்பிடிப்பு நடந்து வருகிறது. இதனால் ரஜினிகாந்த் அடுத்த திரைப்படங்களில் நடிப்பதில் சிக்கல் ஏற்பட்டுள்ளது. எனவே இனி நடிக்கும் திரைப்படங்களிலாவது சீக்கிரம் நடித்து படத்தை முடிக்க வேண்டும் என திட்டமிட்டுள்ளார் ரஜினிகாந்த்.

பொதுவாகவே ஒரு திரைப்படத்தின் படப்பிடிப்பு முடிந்த உடனேயே ரஜினிகாந்த் அடுத்த திரைப்படத்தில் நடிக்க மாட்டார். கொஞ்சம் இடைவெளி விட்டுதான் நடிப்பார். ஜெயிலர் படத்தின் படப்பிடிப்பு முடிந்தப்போது கூட சுற்றுலா சென்றுவிட்டு வந்து பிறகுதான் வேட்டையன் படத்தின் நடிக்க துவங்கினார்.

ஆனால் கூலி திரைப்படத்தை பொறுத்தவரை அதன் படப்பிடிப்பை உடனே துவங்க வேண்டும் என கூறியுள்ளாராம் ரஜினிகாந்த். வழக்கமாக எடுத்துக்கொள்ளும் இடைவெளியை விட இந்த படத்திற்கு குறைவாகவே எடுத்துக்கொண்டார் ரஜினி என கூறப்படுகிறது.

லோகேஷ் கனகராஜ் ஏற்கனவே கூலி திரைப்படத்திற்கான திரைக்கதை வேலைகளை முடித்துவிட்டதால் விரைவில் அந்த படத்தின் படப்பிடிப்பு துவங்கும் என எதிர்பார்க்கப்படுகிறது.