அந்த சீனுக்காக குப்பையை கூட அள்ளுனார் உதயநிதி!.. சீக்ரெட்டை பகிர்ந்த வடிவுக்கரசி…

தமிழ் சினிமாவில் உள்ள முக்கியமான நடிகர்களில் உதயநிதி ஸ்டாலினும் ஒருவர். இவர் தமிழில் குறைவான திரைப்படங்களில் நடித்திருந்தாலும் கூட மக்கள் மத்தியில் வரவேற்பை பெற்ற கதாநாயகர்களில் இவருக்கும் ஒரு இடம் உண்டு.

சினிமாவிற்கு வந்த ஆரம்ப காலகட்டத்தில் உதயநிதிக்கு அவ்வளவாக நடிப்பு வரவில்லை. எனவே தொடர்ந்து காமெடி கதை களங்களில் நடித்து வந்தார் இதனாலேயே அவரது திரைப்படங்களில் அதிகபட்சம் நடிகர் சந்தானத்தை பார்க்க முடியும்.

நாட்கள் செல்ல செல்ல சிறிது சிறிதாக கதைக்கு முக்கியத்துவம் கொடுத்து நடிக்க துவங்கினார் உதயநிதி. அதனைத் தொடர்ந்து அவர் நடித்த கெத்து மனிதன் நிமிர் போன்ற திரைப்படங்கள் மக்கள் மத்தியில் வரவேற்பை பெற்றன.

மேலும் இந்த படங்கள் யாவும் நகைச்சுவை கதைகளத்தை கொண்டு இல்லாமல் கொஞ்சம் சீரியசான கதைகளை கொண்டிருந்தன.எந்த ஒரு திரைப்படத்தில் நடித்தாலும் அந்த திரைப்படத்தில் முடிந்த அளவிற்கு சிறப்பாக நடிக்க வேண்டும் என நினைப்பவர் உதயநிதி.

இதை அவருடன் பணிப்புரிந்த பல நடிகர்கள் தங்களது பேட்டிகளில் கூறியுள்ளனர். சீனு ராமசாமி இயக்கத்தில் உருவான கண்ணே கலைமானே திரைப்படத்தில் உதயநிதி நடித்தார். இந்த திரைப்படத்தில் இவருடன் நடிகை வடிவுக்கரசி நடித்திருந்தார்.

அவர் ஒரு பேட்டியில் கூறும் பொழுது ஒரு காட்சியில் மண்புழுவை அள்ளி கொட்ட வேண்டிய காட்சி இருந்தது. அந்த காட்சியில் மண்புழு உயிருடன் இருந்தது. அதை அள்ளுவதற்கு எனக்கே கொஞ்சம் தயக்கமாக இருந்தது ஆனால் உதயநிதி இயக்குனர் சொன்னவுடன் போய் அள்ளிவிட்டார் அதேபோல ஷூட்டிங் துவங்கும் முன்பே வந்து அதற்கான வேலைகளை பார்க்க துவங்கி விடுவார் என உதயநிதி குறித்து தனது பேட்டியில் கூறியுள்ளார் வடிவுக்கரசி.