தமிழில் வளர்ந்து வரும் நடிகர்களில் முக்கியமானவர் நடிகர் விஷால். மார்க் ஆண்டனி திரைப்படம் இவருக்கு முக்கியமான திரைப்படமாக அமைந்தது. பூஜை திரைப்படத்திற்கு பிறகு தற்சமயம் இயக்குனர் ஹரியுடன் கூட்டணி போட்டு விஷால் நடித்து வரும் திரைப்படம் ரத்னம்.
வழக்கமாகவே இயக்குனர் ஹரியின் திரைப்படங்களில் சண்டைக்கும் இரத்தத்திற்கும் பஞ்சமே இருக்காது. அதில் இந்த திரைப்படம் கொஞ்சம் ஓவர் லோடாக போயுள்ளது என்றே கூற வேண்டும். படத்தின் ட்ரைலரை பார்த்தப்போதே இதில் சண்டை காட்சிகள் அதிகம் என தெரிந்தது.
இதுக்குறித்து இயக்குனர் ஹரியிடம் கேட்குபோது எவ்வளவோ குற்றங்களை நாம் பார்த்துக்கொண்டிருக்கிறோம். ஆனால் அவை எதையும் எதிர்த்து நாம் கேள்வி கேட்பதில்லை. சமூக வலைத்தளங்களில் அவற்றை எதிர்த்து பேசுவதோடு சரி. ஆனால் ஒவ்வொரு மனிதனும் அதை எதிர்க்க வேண்டும் என்பதைதான் நான் படத்தில் காட்டியுள்ளேன் என கூறியிருந்தார் ஹரி.
இந்த நிலையில் சின்ன படங்கள் தோல்வியடைவதை பற்றி விஷால் பேசி கொண்டிருக்கும்போது மஞ்சுமல் பாய்ஸ், பிரேமலு மாதிரியான குறைந்த பட்ஜெட் படங்களும் நல்ல வெற்றியை கொடுக்கின்றனவே என கேட்டுள்ளார் பயில்வான் ரங்கநாதன்.
இதனால் கடுப்பான விஷால் அவருக்கெல்லாம் என்னால் பதில் சொல்ல முடியாது. நான் ஒரு பொது செயலாளராக இருக்கேன். என்னுடைய வாயை கிளறாதீங்க என வெடித்துள்ளார். பயில்வான் ரங்கநாதன் பிரபலங்களின் அந்தரங்க விஷயங்களை பேசுகிறார் என்பதே விஷாலின் கோபத்திற்கு காரணம் என கூறப்படுகிறது.
