இதான் சிவாவுக்கும் கவுண்டமணிக்கும் உள்ள வித்தியாசம்!.. கட்டம் போட்டு கலாய்த்த சுந்தர் சி!..

தமிழ் சினிமாவில் பிரபலமான காமெடி இயக்குனர்களில் முக்கியமானவர் இயக்குனர் சுந்தர் சி. காமெடி இல்லாமல் வேறு படங்களை அவர் இயக்கியிருந்தாலும் கூட காமெடி திரைப்படங்களுக்குதான் சுந்தர் சி பிரபலமானவர். அவர் கார்த்தி கவுண்டமணி காம்போவில் நிறைய ஹிட் படங்களை கொடுத்துள்ளார்.

இந்த நிலையில் ஒரு பேட்டியில் அவரிடம் நீங்கள் ரஜினி, கமல் மாதிரியான பல முன்னணி நடிகர்களோடு திரைப்படங்களில் பணிப்புரிந்துள்ளீர்கள். இதில் யாருடன் பணிப்புரிவது உங்களுக்கு எளிது என கேட்கப்பட்டது. அதற்கு பதிலளித்த சுந்தர் சி அப்படியொரு நடிகர் என்றால் அது கவுண்டமணிதான் என கூறியுள்ளார்.

உள்ளத்தை அள்ளித்தா திரைப்படத்திற்கு பிறகு ஒரு சீரியஸான திரைப்படத்தை இயக்கதான் திட்டமிட்டோம். எனவே மேட்டுக்குடி திரைப்படத்தை திட்டமிட்டேன். அதில் க்ளைமேக்ஸில் கார்த்தி இறந்துவிடுவதாக படத்தை இயக்க திட்டமிட்டேன்.

எனவே படத்தில் கண்டிப்பாக கவுண்டமணி இருக்க கூடாது என நினைத்தேன். ஆனால் தயாரிப்பாளரிடம் பேசி கவுண்டமணியும் அந்த படத்தில் சேர்ந்துகொண்டார். அவர் வந்த பிறகு படக்கதையே மாறிவிட்டது. அதனால் மேட்டுக்குடியும் காமெடி படமாக மாறியது. அந்த படத்தில் சின்ன சின்ன காட்சிகளை கூட கவுண்டமணி சிறப்பாக மாற்றியிருந்தார்.

அதே போல மிர்ச்சி சிவாவை பொறுத்தவரை எவ்வளவு பெரிய மொக்கை காட்சியாக இருந்தாலும் அவர் நடிக்கும்போது அது காமெடியாக மாறிவிடும். அதுதான் சிவாவின் ப்ளஸ் என கூறுகிறார் சுந்தர் சி.