என் படத்தை அப்படியே தூக்கிட்டாங்க!.. சேரன் படத்தை காபி அடிச்சி ஹிட் கொடுத்த படம்..

Director Seran: தமிழ் சினிமாவில் கதைகளுக்கு முக்கியத்துவம் கொடுத்து திரைப்படங்களை இயக்கும் இயக்குனர்கள் சிலர் உண்டு அப்படியான இயக்குனர்களில் முக்கியமானவர் இயக்குனர் சேரன். அவர் இயக்கிய வெற்றி கொடிக்கட்டு திரைப்படமே அப்பொழுது பெரும் வெற்றியைப் பெற்ற ஒரு திரைப்படம் எனக் கூறலாம்.

பொதுவாக இப்போது இருக்கும் சில இயக்குனர்கள் கதைக்கு பெரிதாக முக்கியத்துவம் கொடுக்காமல் திரைப்படத்தை இயக்குவதை பார்க்க முடியும். ஆனால் சேரனை பொறுத்தவரை அவர் அந்த மூன்று மணி நேரத்தில் ஒரு பெரிய கதையை மக்கள் மத்தியில் கூறி இருப்பார்.

அதிகபட்சம் சேரனின் கதைகள் எல்லாம் சாமானிய மக்களின் வாழ்க்கையில் இருந்து எடுக்கப்பட்டதாகதான் இருக்கும் அப்படி சேரன் இயக்கிய பல திரைப்படங்கள் பெரும் வெற்றியை கண்டிருக்கின்றன. இந்த நிலையில் சேரன் நடித்து இயக்கி வெளியான திரைப்படம் ஆட்டோகிராஃப்.

ஒரு இளைஞனின் காதல் கதைகளை கூறும் வகையில் அமைந்திருக்கும் அந்த திரைப்படம் வெளியான காலகட்டத்திலேயே பெரும் வெற்றியை கண்டது. அந்த திரைப்படத்தில் உள்ள அனைத்து பாடல்களும் அப்பொழுது பட்டி தொட்டி எங்கும் பிரபலமாக இருந்தன.

இந்த நிலையில் சில வருடங்கள் கழித்து சேரனிடம் வந்த அவரது நண்பர்கள் உங்களது திரைப்படத்தை அப்படியே திருடி மலையாளத்தில் படமாக்கி பெரும் வெற்றியை கண்டிருக்கின்றனர் எனக் கூறியிருக்கின்றனர். அதுதான் பிரேமம் என்கிற திரைப்படமாகும்.

கிட்டத்தட்ட பிரேமம் மற்றும் ஆட்டோகிராப் இரண்டின் கதை அம்சமும் ஒரே மாதிரிதான் இருக்கும். ஆனால் அதை காட்சிப்படுத்தும் விதத்தில் மலையாளத்தில் மிகவும் சிறப்பாக செய்திருந்ததால் ஆட்டோகிராஃபை விட பிரேமம் அதிகமாக பிரபலமானது.

ஆனால் இதற்காக சேரன் கோபப்படவில்லை என்னுடைய கதையை ஒரு இன்ஸ்பிரேஷன் ஆக எடுத்துக்கொண்டு அவர்கள் திரைப்படம் எடுத்திருக்கிறார்கள் இது நல்ல விஷயம்தானே இதை திருட்டு என்று கூற முடியாது என்று கூறி தனது நண்பர்களை சமாதானப்படுத்தி இருக்கிறார் சேரன்.