அவ்வளவு நல்ல படத்தையா கைவிட்டேன்!.. இயக்குனரிடம் போன் செய்து மன்னிப்பு கேட்ட ஷங்கர்!.

தமிழில் அதிக பட்ஜெட்டில் படம் எடுக்கும் இயக்குனர்களில் முக்கியமானவர் இயக்குனர் ஷங்கர். ஷங்கர் இயக்கும் திரைப்படங்களுக்கு தமிழ் சினிமாவில் அதிக வரவேற்பு உண்டு. அவர் இயக்கிய முதல்வன், இந்தியன், அந்நியன் போன்ற திரைப்படங்கள் மிகவும் பிரபலமானவை.

பொதுவாக இயக்குனர் ஷங்கர் இயக்கும் திரைப்படங்களில் சமூகத்திற்கு தேவையான விஷயங்களை பேசுவார் ஷங்கர் சில காலங்களுக்கு பிறகு திரைப்படங்களை தயாரிக்கவும் துவங்கினார் ஷங்கர்.

குறைந்த பட்ஜெட்டில் இருக்கும் படங்களை தயாரித்து வந்தார். இந்த நிலையில் இயக்குனர் பாண்டிராஜ் பசங்க படத்தின் கதையை ஷங்கரிடம் கூறினார். அந்த கதை ஷங்கருக்கு அவ்வளவாக பிடிக்கவில்லை. எனவே அவர் அதை தயாரிக்கவில்லை.

அதன் பிறகு அந்த படத்தை இயக்குனர் சசிக்குமார் தயாரித்தார். பசங்க திரைப்படம் வெளியான பிறகு அந்த படத்திற்கு அதிக வரவேற்பு வர துவங்கியது. இந்த நிலையில் பாண்டிராஜிக்கு போன் செய்த ஷங்கர், இந்த கதையையா என்கிட்ட சொன்னீங்க எப்படிப்பட்ட கதையை வேண்டாம்னு சொல்லியிருக்கேன் ரொம்ப சாரி பாண்டிராஜ் என கூறியுள்ளார் ஷங்கர்.

அதன் பிறகு பசங்க படம் தேசிய விருது பெற்றப்போதும் கூட அதற்காக வாழ்த்தியுள்ளார் ஷங்கர்.