அன்னிக்கு மனோபாலா அந்த வார்த்தை சொன்னப்போ கலங்கி போனேன்!.. அரண்மனை 4 இல் அவருக்கு முக்கியமான ரோல் இருக்கு!.. ஓப்பன் டாக் கொடுத்த சுந்தர் சி!.

தமிழில் நகைச்சுவை திரைப்படங்கள் இயக்கும் இயக்குனர்களில் முக்கியமானவர் இயக்குனர் சுந்தர் சி. முறைமாமன் திரைப்படம் மூலமாக தமிழ் சினிமாவிற்கு இயக்குனராக அறிமுகமானார் சுந்தர் சி.  பெரும்பாலும் சுந்தர் சியின் படங்கள் எல்லாம் காமெடியாகதான் இருந்து வந்தன.

ஆனால் பிறகு அனைத்து விதமான சினிமாக்களையும் முயற்சி செய்து வந்தார் சுந்தர் சி. அப்படியாகதான் அவர் அரண்மனை திரைப்படங்களையும் இயக்கினார். அரண்மனை திரைப்படத்தில் முக்கிய கதாபாத்திரத்தில் மனோபாலா தொடர்ந்து நடித்து வந்தார்.

இந்த நிலையில் அரண்மனை 4 திரைப்படத்திலும் அவருக்கு சிறப்பான கதாபாத்திரம் வைத்திருந்தேன் என கூறுகிறார் சுந்தர் சி. அவருக்கு ஒரு சில நாட்கள் படப்பிடிப்பு எல்லாம் நடத்தினோம். அதற்கு பிறகு ஒரு நாள் திடீரென அவரிடம் இருந்து மெசேஜ் வந்தது.

நான் உதவி இயக்குனராக இருந்த காலம் முதலே எனக்கு அவரை தெரியும். சினிமாவில் என்னை வாடா போடா என அழைக்கும் ஒரு சில பிரபலங்களில் அவரும் ஒருவர். அவர் அந்த மெசேஜில் தனக்கு உடல் நல குறைபாடு ஏற்பட்டுள்ளதாகவும் எனவே அரண்மனை 4 திரைப்படத்தில் நடிக்க முடியாது என கூறி மன்னிப்பு கேட்டார்.

உடனே நான் அவருக்கு போன் செய்து உடம்பை பார்த்துக்கொள்ளுங்கள் ஒன்றும் பிரச்சனையில்லை, அடுத்த படத்தில் பார்த்துக்கொள்ளலாம் என்றேன். அதற்கு அவர் நான் அவ்வளவு நாளெல்லாம் இருப்பேன் என்று நம்பிக்கை இல்லை என்று கூறினார்.

உடல் உபாதைகளால் அப்படி கூறுகிறார் என நினைத்தேன். ஆனால் நிஜமாகவே நம்மை விட்டு அவர் பிரிந்துவிட்டார் என வருத்தத்துடன் கூறுகிறார் சுந்தர் சி.