வெளியாகி படம் ஓடாததால் விரக்தியடைந்த சுந்தர் சி. அப்புறம் நடந்துதான் சம்பவம்…

சினிமாவை பொறுத்தவரை படத்தின் முதல் நாள் ஓட்டத்தை வைத்தே படத்தின் வெற்றி கணிக்கப்படும். முதல் ஒரு வாரத்திலேயே திரைப்படங்கள் பாதிக்கு அதிகமான வசூலை பெற்றுவிடும். அதற்கு பிறகு அந்த அளவிலான வசூல் வராது.

ஆனால் இதில் விதிவிலக்காக சில திரைப்படங்கள் சற்று தாமதமாகவே மக்கள் மத்தியில் பிரபலமாகும். கே.ஜி.எஃப் பாகம் 1, போர் தொழில் போன்ற திரைப்படங்கள் அப்படி தாமதமாகதான் வரவேற்பை பெற்றன. இயக்குனர் சுந்தர் சிக்கும் அப்படியான சம்பவம் ஒன்று நடந்துள்ளது.

சுந்தர் சி இயக்குனராக இருந்தப்போது கார்த்தி மற்றும் ரம்பா நடிப்பில் அவர் இயக்கிய திரைப்படம் உள்ளத்தை அள்ளித்தா. இந்த படத்தின் அதிக நம்பிக்கை கொண்டிருந்தார் சுந்தர் சி. ஏனெனில் அந்த அளவிற்கு படம் சுறுசுறுப்பாகவும் காமெடியாகவும் இருந்தது.

ஆனால் வெளியான முதல் நாள் இந்த திரைப்படம் பெரிதாக வரவேற்பை பெறவில்லை. மக்களும் படத்திற்கு பெரிதாக வரவேற்பு பெறவில்லை. இதனால் சுந்தர் சி மிகவும் விரக்தியடைந்தார். ஆனால் படம் வெளியாகி ஒருவாரம் கழித்து மக்கள் மத்தியில் நல்ல வரவேற்பை பெற்றது.

அதன் பிறகு அந்த படம் தயாரித்த செலவை விடவும் பத்து மடங்கு லாபத்தை பெற்று தந்தது.